Memleket basshysy Qasym-Jomart Toqaev Úkimettiń keńeitilgen otyrysynda ekonomikany ártaraptandyrý jóninde tapsyrma bergen bolatyn. Osyǵan sáikes Túrkistan oblysynda aýqymdy jumys atqarylýda. Óńir basshysy Nuralhan Kósherovtiń tikelei qadaǵalaýymen investitsiia tartýǵa basymdyq berilip otyr,– dep habarlaidy Dalanews.kz
Túrkistan oblysynda biylǵy 3 aida qysqamerzimdi ekonomikalyq ósim 117,5%-dy qurap (2 oryn), negizgi makroekonomikalyq kórsetkishterdiń oń ósimi qalyptasty. Jyl basynan beri óńirge 196,5 mlrd. teńge investitsiia tartyldy. Bul ótken jyldyń tiisti kezeńimen salystyrǵanda 1,5 ese joǵary.
Oblys ekonomikasynyń damýyna tyń serpin beretin jáne 2025-2028 jyldary júzege asyrylatyn 110 investitsiialyq joba pýly qalyptastyryldy. Jobalardyń jalpy quny – 2,3 trln. teńge. 19 783 jumys ornyn ashyp, qosymsha 84 mlrd. teńge salyq túsirý kózdelgen. Onyń ishinde, biyl 322 mlrd. teńgege 57 investitsiialyq jobany iske qosyp, 6908 jumys ornyn qurý josparlanýda.
Óńirde qolaily investitsiialyq klimatty qalyptastyrý úshin barlyq jaǵdai jasalýda. Biylǵy 3 sáýirde biznes-forým ótip, 6 elden 100-den asa investor qatysty. Investorlarǵa oblystyń áleýeti habarlanyp, memlekettik qoldaý sharalary baiandaldy. Mańyzdy jobalardy birge iske asyrý úshin kelissózder júrgizildi. Bul baǵyttaǵy jumystar jalǵasady.
