Vaksınasıa sondaı-aq, jyljymaly vaksınasıalaý pýnktterinde júrgiziledi. Turǵyndar aldyn-ala Egov elektrondyq júıesi arqyly tirkelip, erikti túrde vaksına jasata alady. Bul týraly oblys ákimi Ómirzaq Shókeevtiń tóraǵalyǵymen ótken apparat otyrysynda aıtyldy.
Túrkistan qalasynda jalpy 10 vaksınasıalaý pýnktteri uıymdastyryldy. Vaksınany saqtaý jáne tasymaldaý sharttary saqtala otyryp, jalpy 80 egý pýnktterinde vaksınasıa jasalady. Olar 60 termokonteınermen qamtamasyz etilgen. Qosymsha 50 danasy satyp alynady. 30 kóshpeli egý brıgadasy quryldy. Ortalyqtar arnaıy daıarlanǵan mamandarmen, 500-den astam dáriger men orta býyn medısınalyq qyzmetkerlerimen qamtamasyz etildi.
Túrkistan oblysyna qarasty vaksına saqtaıtyn qoımasynda kólemi 300 lıtr quraıtyn 2 dana muzdatqysh (-20oS) bar. Sonymen qatar, oblystyq búdjet esebinen kólemi 143 lıtr quraıtyn 20 dana men 601 lıtr quraıtyn 2 dana muzdatqysh satyp alynyp, tolyq jetkizildi. Odan bólek, vaksınasıa júrgizýge arnalǵan 65 pýnktter tolyq tońazytqyshpen jabdyqtalǵan.
Túrkistan oblysynda pandemıa bastalǵaly 600 myńnan astam PTR test tapsyrǵan. Sońǵy táýlikte aýrýǵa shaldyqqan 48 adam tirkelgen. Basym bóliginde naýqastardan aýrý belgileri anyqtalmaǵan. Túrkistan oblysy KVI aýrýshańdyǵynyń kórsetkishi boıynsha QR boıynsha «jasyl» aımaqta.
Óńirdi 185 myń doza reseılik «Spýtnık-V» jáne 752 myń doza «QazCovidIN» otandyq vaksınamen qamtamasyz etý josparlanyp otyr. Aqpan aıynan bastap reseılik vaksınanyń 43 400 dozasy jetkizildi. Búgingi kúnge deıin 43 160 adam vaksına qabyldady. Medısına, polısıa salasynyń qyzmetkerleri, muǵalimder, memlekettik qyzmetkerler men stýdentter jáne sozylmaly aýrýy barlar egildi. Sáýir aıynyń sońyna deıin 72 myńnan astam doza jetkizý josparlanǵan. Búgingi kúnge 30 myńnan astamy jetkizildi.
