ۆاكسيناسيا سونداي-اق، جىلجىمالى ۆاكسيناسيالاۋ پۋنكتتەرىندە جۇرگىزىلەدى. تۇرعىندار الدىن-الا Egov ەلەكتروندىق جۇيەسى ارقىلى تىركەلىپ، ەرىكتى تۇردە ۆاكسينا جاساتا الادى. بۇل تۋرالى وبلىس اكىمى ءومىرزاق شوكەيەۆتىڭ توراعالىعىمەن وتكەن اپپارات وتىرىسىندا ايتىلدى.
تۇركىستان قالاسىندا جالپى 10 ۆاكسيناسيالاۋ پۋنكتتەرى ۇيىمداستىرىلدى. ۆاكسينانى ساقتاۋ جانە تاسىمالداۋ شارتتارى ساقتالا وتىرىپ، جالپى 80 ەگۋ پۋنكتتەرىندە ۆاكسيناسيا جاسالادى. ولار 60 تەرموكونتەينەرمەن قامتاماسىز ەتىلگەن. قوسىمشا 50 داناسى ساتىپ الىنادى. 30 كوشپەلى ەگۋ بريگاداسى قۇرىلدى. ورتالىقتار ارنايى دايارلانعان ماماندارمەن، 500-دەن استام دارىگەر مەن ورتا بۋىن مەديسينالىق قىزمەتكەرلەرىمەن قامتاماسىز ەتىلدى.
تۇركىستان وبلىسىنا قاراستى ۆاكسينا ساقتايتىن قويماسىندا كولەمى 300 ليتر قۇرايتىن 2 دانا مۇزداتقىش (-20وس) بار. سونىمەن قاتار، وبلىستىق بيۋدجەت ەسەبىنەن كولەمى 143 ليتر قۇرايتىن 20 دانا مەن 601 ليتر قۇرايتىن 2 دانا مۇزداتقىش ساتىپ الىنىپ، تولىق جەتكىزىلدى. ودان بولەك، ۆاكسيناسيا جۇرگىزۋگە ارنالعان 65 پۋنكتتەر تولىق توڭازىتقىشپەن جابدىقتالعان.
تۇركىستان وبلىسىندا پاندەميا باستالعالى 600 مىڭنان استام پتر تەست تاپسىرعان. سوڭعى تاۋلىكتە اۋرۋعا شالدىققان 48 ادام تىركەلگەن. باسىم بولىگىندە ناۋقاستاردان اۋرۋ بەلگىلەرى انىقتالماعان. تۇركىستان وبلىسى كۆي اۋرۋشاڭدىعىنىڭ كورسەتكىشى بويىنشا ق ر بويىنشا «جاسىل» ايماقتا.
ءوڭىردى 185 مىڭ دوزا رەسەيلىك «سپۋتنيك-V» جانە 752 مىڭ دوزا «QazCovidIN» وتاندىق ۆاكسينامەن قامتاماسىز ەتۋ جوسپارلانىپ وتىر. اقپان ايىنان باستاپ رەسەيلىك ۆاكسينانىڭ 43 400 دوزاسى جەتكىزىلدى. بۇگىنگى كۇنگە دەيىن 43 160 ادام ۆاكسينا قابىلدادى. مەديسينا، پوليسيا سالاسىنىڭ قىزمەتكەرلەرى، مۇعالىمدەر، مەملەكەتتىك قىزمەتكەرلەر مەن ستۋدەنتتەر جانە سوزىلمالى اۋرۋى بارلار ەگىلدى. ءساۋىر ايىنىڭ سوڭىنا دەيىن 72 مىڭنان استام دوزا جەتكىزۋ جوسپارلانعان. بۇگىنگى كۇنگە 30 مىڭنان استامى جەتكىزىلدى.
