Túrkistan oblysynyń ákimi Darhan Satybaldynyń tóraǵalyǵymen óńirlik investitsiialyq shtabtyń kezekti otyrysy ótti, dep habarlaidy Dalanews. kz Túrkistan oblysy ákiminiń baspasóz qyzmetine silteme jasap.
Jiynda onnan astam jobanyń júzege asyrylý barysy, qazirgi jai-kúii saraptalyp, ózekti máseleler qaraldy. Shtab otyrysynda investitsiialyq jobalardyń iske asyrylýy boiynsha aǵymdaǵy jaǵdaiy tanystyryldy. Máselen, Ordabasy aýdanynda «Standard Petroleum & Co» JShS-niń munai óńdeý zaýytyń qurylys jumystary jáne aldaǵy atqarylatyn jumystar týraly «Saýts oil» kompaniiasynyń vitse-prezidenti Abzal Menlibekov baiandady.
Atalǵan jobanyń I kezeńi 2025 jyly júzege asady, 300 jumys orny ashylady. Sonymen birge Túlkibastaǵy kaýstikalyq soda zaýytynyń qurylys barysy týraly da málimet berildi. Infraqurylymy jasaqtalýda, jumys júrip jatyr. 2025 jyly ashylatyn óndiris ornynda 1000 adam jumyspen qamtylmaq.
Al Keles aýdanyndaǵy 51 ga jylyjai kesheninniń jobasyn «ECOCULTURE-EURASIA» JShS júzege asyrýda. Jobanyń 1 kezeńindegi jylyjai keshen qurylys jumystary jóninde jáne aldaǵy ýaqytta atqarylatyn jumys barysy týraly baiandaldy.
Oblys ákimi investorǵa jumystyń kesheýildep jatqany jóninde syn-eskertpe aitty. Jumysty shiratý tapsyryldy. Májiliste Saýran aýdanynda keptirilgen jemisterdi óndirý, jańa pisken jemister men kókónisterdi óńdeý zaýytyn salý boiynsha «Talifa» JShS ókiliniń pikiri tyńdaldy. Sairam aýdanyndaǵy «Nurym Group» JShS-niń qurama jem zaýyty jobasynyń jergilikti biýdjetten syrtqy infraqurylymdy júrgizýge 551 mln teńge bólingen. Túrkistan oblysynyń memlekettik satyp alýlar basqarmasy tarapynan syrtqy infraqurylym júrgizý boiynsha merdiger kompaniiany anyqtaý úshin konkýrs jariialanǵan. Sondai-aq mal soiý kombinaty jáne janýarlardyń qaldyqtardyn tereń óńdeý zaýytynyń jobalyq-smetalyq qujattamasyn ázirleý boiynsha jáne mal soiý, qaldyqtardy qaita óńdeý jáne mal soiý pýnktteri úshin 140 ga jer ýchaskesi anyqtalyp, 60 ga jer ýchaskesi satyp alynǵan. Tiisti jumys júrýde.
Óndiris oryndaryn, jańa zaýyttar men tsehtar ashý – basym baǵytymyz, – degen Darhan Satybaldy osy salaǵa qatysty basshylarǵa tapsyrmalar berdi. Investitsiialyq shtab otyrysynda ózge de investitsiialyq jobalardy júzege asyrý joldary saralandy. Kesteden keshigip jatqan kásipkerlerge jumysty shiratý, jedeldetý tapsyryldy. Aita keteiik, Túrkistan oblysynyń ákimi Darhan Satybaldynyń tapsyrmasymen óńirlik investitsiialyq shtabtyń jospary júielenip, bastamalar jandana tústi. Búgingi tańda óńirde investitsiia tartý baǵytynda aýqymdy jumystar júrip jatyr.
