Qazaqstanda negizgi kapıtalǵa salynǵan ınvestısıa 3,4 trln teńgeden asty, búdjet qarjysy eki esege jýyq qysqardy, dep habarlaıdy Dalanews.kz.

2026 jyldyń qańtar-naýryz aılarynda Qazaqstanda negizgi kapıtalǵa salynǵan ınvestısıa kólemi 3 463 mlrd teńgeni qurady. Bul 2025 jyldyń osy kezeńimen salystyrǵanda 6,4%-ǵa artyq.

Investısıalardy qarjylandyrýdyń negizgi kózi retinde kásiporyndardyń óz qarajaty basym bolyp otyr. 2026 jyldyń alǵashqy úsh aıynda olardyń kólemi 2 432,2 mlrd teńgege jetip, jalpy ınvestısıanyń 70,2%-yn qurady.

Al búdjet qarajatynyń úlesi 10,9% boldy. Degenmen, ótken jylmen salystyrǵanda bul kórsetkish 46,3%-ǵa tómendep, eki esege jýyq qysqarǵan.

Sonymen qatar, bank sektorynyń naqty ekonomıkaǵa ınvestısıa salýdaǵy úlesi jalpy kólemniń 7,8%-yn ǵana quraıdy.