قازاقستاندا نەگٸزگٸ كاپيتالعا سالىنعان ينۆەستيتسييا 3,4 ترلن تەڭگەدەن استى, بيۋدجەت قارجىسى ەكٸ ەسەگە جۋىق قىسقاردى, دەپ حابارلايدى Dalanews.kz.
2026 جىلدىڭ قاڭتار-ناۋرىز ايلارىندا قازاقستاندا نەگٸزگٸ كاپيتالعا سالىنعان ينۆەستيتسييا كٶلەمٸ 3 463 ملرد تەڭگەنٸ قۇرادى. بۇل 2025 جىلدىڭ وسى كەزەڭٸمەن سالىستىرعاندا 6,4%-عا ارتىق.
ينۆەستيتسييالاردى قارجىلاندىرۋدىڭ نەگٸزگٸ كٶزٸ رەتٸندە كەسٸپورىنداردىڭ ٶز قاراجاتى باسىم بولىپ وتىر. 2026 جىلدىڭ العاشقى ٷش ايىندا ولاردىڭ كٶلەمٸ 2 432,2 ملرد تەڭگەگە جەتٸپ, جالپى ينۆەستيتسييانىڭ 70,2%-ىن قۇرادى.
ال بيۋدجەت قاراجاتىنىڭ ٷلەسٸ 10,9% بولدى. دەگەنمەن, ٶتكەن جىلمەن سالىستىرعاندا بۇل كٶرسەتكٸش 46,3%-عا تٶمەندەپ, ەكٸ ەسەگە جۋىق قىسقارعان.
سونىمەن قاتار, بانك سەكتورىنىڭ ناقتى ەكونوميكاعا ينۆەستيتسييا سالۋداعى ٷلەسٸ جالپى كٶلەمنٸڭ 7,8%-ىن عانا قۇرايدى.
