«Qaiyrymdylyq jasasań, qaiyryn óziń kóresiń» demekshi, «Nur Otan» partiiasy «Aqsýkent» bastaýysh partiia uiymynyń múshesi, Sairam aýdandyq máslihatynyń depýtaty Akmaljan Isakov Aqsýkent aýylynda áleýmettik jaǵdaiy tómen jáne kópbalaly 10 otbasyna azyq-túlik taratty.
Sairam aýdanyndaǵy «Jibek joly» bastaýysh partiia uiymynyń uiymdastyrýymen aýdanda igi is atqaryldy. Jibek joly aýyldyq okrýginde aýdandyq máslihat depýtaty, fraktsiia músheleri G.Nurtanova, jeke kásipkerler – J.Espenbetov, R.Ýteshov, T.Aitbaev, I.Anarmetov, M.Ýrýmbekovtardyń demeýshiligimen az qamtylǵan, kópbalaly, múgedek bala asyrap otyrǵan jalpy 40 otbasyna «Aýyzashar qorjyny» taratyldy.
Túrkistan oblysy, Keles aýdandyq máslihatynyń depýtattary da igi isterimen daralanyp júr. Qoǵamdyq qabyldaýǵa kelgen el tilegin eskerip, qaiyrymdylyqty qolǵa alǵan. Máselen jas depýtat Dias Ábdiev Birtilek aýyldyq okrýgi ortalyǵyndaǵy Bereke kóshesin jóndeý (shaǵal tóseý, jobalaý, syrý, retke keltirý) jumystaryna demeýshilik jasady. Endi shaǵal tas tóselip, retke keltirilgen kósheler turǵyndardyń júrip-turýyna yńǵaily bolmaq. Sonymen birge kelestik fraktsiia múshesi Muhtar Amangeldiuly Ramazan aiynyń qurmetine 100 otbasyna azyq-túlik taratqany da habarlanǵan bolatyn.
