«Qaıyrymdylyq jasasań, qaıyryn óziń kóresiń» demekshi, «Nur Otan» partıasy «Aqsýkent» bastaýysh partıa uıymynyń múshesi, Saıram aýdandyq máslıhatynyń depýtaty Akmaljan Isakov Aqsýkent aýylynda áleýmettik jaǵdaıy tómen jáne kópbalaly 10 otbasyna azyq-túlik taratty.
Sonymen birge jalǵyzilikti ana, Aqsýkent aýylynyń turǵyny, İİ toptaǵy múmkindigi shekteýli turǵynǵa naqty kómek kórsetti. Depýtat óziniń 300000 teńge qarajatyna jylý júıesin, gaz kolonkasy men jylytý qazandyǵyn ornatyp berip, ardaqty ananyń alǵysyn aldy.
Saıram aýdanyndaǵy «Jibek joly» bastaýysh partıa uıymynyń uıymdastyrýymen aýdanda ıgi is atqaryldy. Jibek joly aýyldyq okrýginde aýdandyq máslıhat depýtaty, fraksıa músheleri G.Nurtanova, jeke kásipkerler – J.Espenbetov, R.Ýteshov, T.Aıtbaev, I.Anarmetov, M.Ýrýmbekovtardyń demeýshiligimen az qamtylǵan, kópbalaly, múgedek bala asyrap otyrǵan jalpy 40 otbasyna «Aýyzashar qorjyny» taratyldy.
Túrkistan oblysy, Keles aýdandyq máslıhatynyń depýtattary da ıgi isterimen daralanyp júr. Qoǵamdyq qabyldaýǵa kelgen el tilegin eskerip, qaıyrymdylyqty qolǵa alǵan. Máselen jas depýtat Dıas Ábdıev Birtilek aýyldyq okrýgi ortalyǵyndaǵy Bereke kóshesin jóndeý (shaǵal tóseý, jobalaý, syrý, retke keltirý) jumystaryna demeýshilik jasady. Endi shaǵal tas tóselip, retke keltirilgen kósheler turǵyndardyń júrip-turýyna yńǵaıly bolmaq. Sonymen birge kelestik fraksıa múshesi Muhtar Amangeldiuly Ramazan aıynyń qurmetine 100 otbasyna azyq-túlik taratqany da habarlanǵan bolatyn.
Túrkistan oblysynyń turǵyndary tek memlekettik búdjet arqyly atqarylatyn jumystardy qadaǵalap qana qoımaı, óz demeýshilikteri esebinen de ıgi is atqaryp júrgen halyq qalaýlylaryna rızashylyqtaryn bildirip jatyr.
