Túrkistan oblysynda departament basshysy taǵaiyndaldy
QR Ulttyq ekonomika ministriniń buiryǵymen Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetiniń Túrkistan oblysy boiynsha departament basshysy bolyp Erbolat Maqsuthanuly Ybraihanov taǵaiyndaldy.
Erbolat Ybraihanov 1981 jyly 2 qańtarda Qyzylorda oblysynda týylǵan. M.Áýezov atyndaǵy OQMÝ, Q.A.Iasaýi atyndaǵy HQTÝ jáne «Bolashaq» baǵdarlamasymen «University of Nottingham» joǵary oqý oryndaryn ekonomist-finansist, zańger, memlekettik saiasat mamandyqtary boiynsha támámdaǵan.
Erbolat Maqsuthanuly osyǵan deiin Ádilet ministrliginde ekonomist, QR Memlekettik qyzmet isteri jáne sybailas jemqorlyqqa qarsy is-qimyl agenttiginde basqarma basshysy, sondai-aq atalǵan agenttikke qarasty óńiraralyq inspektsiia basshysy, Qaraǵandy oblysy boiynsha Antimonopoliialyq inspektsiiasynyń jetekshisi jáne Almaty qalasy boiynshaturǵyn úidi basqarý jáne turǵyn úi inspektsiiasy basshysynyń orynbasary qyzmetterin atqarǵan.
Jańadan taǵaiyndalǵan departament basshysyn oblys ákimi Janseiit Túimebaev jeke qabyldap, onyń jumysyna sáttilik tiledi.
