Sairam aýdanynyń ákimi Arman Sábitov Túrkiia elinen kelgen investorlarmen kezdesti. Basqosýda aýdandaǵy investitsiialyq jobalardy júzege asyrý máseleleri talqylandy,- dep habarlaidy Dalanews.kz
Túrkistan oblysynyń ákimi Nuralhan Kósherovtiń tapsyrmasyna sáikes, óńirde óndiris oryndaryn ashý, investitsiia tartý, jańa óndiris oryndaryn kóbeitý baǵytynda jumystar júrip jatyr.
Sairam aýdanynyń ákimi Arman Sábitov Túrkiia elinen kelgen investorlarmen kezdesti. Aýdan basshysy aýyl sharýashylyǵy óndirisine zamanaýi tehnologiiany engizýdiń mańyzdylyǵyn erekshe atap ótti.
Taraptar agroónerkásip salasynda iskerlik qarym-qatynasty ornatýǵa nietti. Investorlar Sairam aýdany aýmaǵynan jasyl tehnologiia negizinde Biogaz óndirisin jolǵa qoimaq. Mal qaldyqtaryn kádege asyra otyryp, elektr jáne jylý energiiasyn jetildirý maqsatynda qurylatyn zaýyttyń jyldyq qýaty saǵatyna 4,95 MVt biogaz óndirýge qaýqarly.
Aldymen investorlar óz jobalary týraly egjei-tegjeili baiandap, aldaǵy josparlarymen tanystyrdy. Olar biogaz óndirisiniń patenttelgen tehnologiiasynyń qatty, suiyq organikalyq jáne organomineraldy tyńaitqyshtardy biriktiretin, jumys isteý ikemdiliginiń tiimdiligine toqtaldy.
Biyl salynatyn biogaz zaýytynyń eskizdik jobasyn kórsetti. Atalǵan óndiris orny iske qosylǵanda mal qaldyqtary paidaǵa asyp, tolyǵymen qaita óńdeledi dep kútilýde. Joba aiasynda jylyna 75 tonna organomineraldy tyńaitqyshtar men 40 mln kVt elektr energiiasyn óndirý josparlanýda.
Sondai-aq óndiris nysany tolyǵymen iske qosylǵanda aýdan aýmaǵynda 100-den astam jumys oryndary ashylmaq. Óz kezeginde aýdan ákimi Arman Sabituly aýyl sharýashylyǵy óndirisine zamanaýi tehnologiiany engizýde qoldaý kórsetiletinin jetkizdi.
Aita keteiik, Sairam aýdanynda biyl jalpy quny 74,3 mlrd. teńgeni quraityn 22 investitsiialyq jobany iske qosý josparlanyp otyr. Nátijesinde 1 085 adam jumyspen qamtylýy kózdelgen. Ótken jyly quny 15,5 mlrd teńgeni quraityn 11 joba iske qosylyp, 235 jumys orny ashylǵan bolatyn.
