سايرام اۋدانىنىڭ اكىمى ارمان ءسابيتوۆ تۇركيا ەلىنەن كەلگەن ينۆەستورلارمەن كەزدەستى. باسقوسۋدا اۋدانداعى ينۆەستيسيالىق جوبالاردى جۇزەگە اسىرۋ ماسەلەلەرى تالقىلاندى،- دەپ حابارلايدى Dalanews.kz
تۇركىستان وبلىسىنىڭ اكىمى نۇرالحان كوشەروۆتىڭ تاپسىرماسىنا سايكەس، وڭىردە ءوندىرىس ورىندارىن اشۋ، ينۆەستيسيا تارتۋ، جاڭا ءوندىرىس ورىندارىن كوبەيتۋ باعىتىندا جۇمىستار ءجۇرىپ جاتىر.
سايرام اۋدانىنىڭ اكىمى ارمان ءسابيتوۆ تۇركيا ەلىنەن كەلگەن ينۆەستورلارمەن كەزدەستى. اۋدان باسشىسى اۋىل شارۋاشىلىعى وندىرىسىنە زاماناۋي تەحنولوگيانى ەنگىزۋدىڭ ماڭىزدىلىعىن ەرەكشە اتاپ ءوتتى.
تاراپتار اگروونەركاسىپ سالاسىندا ىسكەرلىك قارىم-قاتىناستى ورناتۋعا نيەتتى. ينۆەستورلار سايرام اۋدانى اۋماعىنان جاسىل تەحنولوگيا نەگىزىندە بيوگاز ءوندىرىسىن جولعا قويماق. مال قالدىقتارىن كادەگە اسىرا وتىرىپ، ەلەكتر جانە جىلۋ ەنەرگياسىن جەتىلدىرۋ ماقساتىندا قۇرىلاتىن زاۋىتتىڭ جىلدىق قۋاتى ساعاتىنا 4،95 مۆت بيوگاز وندىرۋگە قاۋقارلى.
الدىمەن ينۆەستورلار ءوز جوبالارى تۋرالى ەگجەي-تەگجەيلى بايانداپ، الداعى جوسپارلارىمەن تانىستىردى. ولار بيوگاز ءوندىرىسىنىڭ پاتەنتتەلگەن تەحنولوگياسىنىڭ قاتتى، سۇيىق ورگانيكالىق جانە ورگانومينەرالدى تىڭايتقىشتاردى بىرىكتىرەتىن، جۇمىس ىستەۋ يكەمدىلىگىنىڭ تيىمدىلىگىنە توقتالدى.
بيىل سالىناتىن بيوگاز زاۋىتىنىڭ ەسكيزدىك جوباسىن كورسەتتى. اتالعان ءوندىرىس ورنى ىسكە قوسىلعاندا مال قالدىقتارى پايداعا اسىپ، تولىعىمەن قايتا وڭدەلەدى دەپ كۇتىلۋدە. جوبا اياسىندا جىلىنا 75 توننا ورگانومينەرالدى تىڭايتقىشتار مەن 40 ملن كۆت ەلەكتر ەنەرگياسىن ءوندىرۋ جوسپارلانۋدا.
سونداي-اق ءوندىرىس نىسانى تولىعىمەن ىسكە قوسىلعاندا اۋدان اۋماعىندا 100-دەن استام جۇمىس ورىندارى اشىلماق. ءوز كەزەگىندە اۋدان اكىمى ارمان سابيت ۇلى اۋىل شارۋاشىلىعى وندىرىسىنە زاماناۋي تەحنولوگيانى ەنگىزۋدە قولداۋ كورسەتىلەتىنىن جەتكىزدى.
ايتا كەتەيىك، سايرام اۋدانىندا بيىل جالپى قۇنى 74،3 ملرد. تەڭگەنى قۇرايتىن 22 ينۆەستيسيالىق جوبانى ىسكە قوسۋ جوسپارلانىپ وتىر. ناتيجەسىندە 1 085 ادام جۇمىسپەن قامتىلۋى كوزدەلگەن. وتكەن جىلى قۇنى 15،5 ملرد تەڭگەنى قۇرايتىن 11 جوبا ىسكە قوسىلىپ، 235 جۇمىس ورنى اشىلعان بولاتىن.
