Túrkistan oblysynda biyl Jaily mektep ulttyq jobasy aiasynda 29 mektep salynyp, onyń ishinde 13-i paidalanýǵa berildi. Endi biyl jyl sońyna deiin taǵy 16 mektep iske qosylady dep josparlanyp otyr, dep habarlaidy Dalanews.kz
Sondai-aq, «Qaýipsiz mektep» jobasy aiasynda bilim alýshylarǵa tolyq jaǵdai jasalǵan. Onyń ishinde, oqýlyqtarmen, ystyq tamaqpen, qosymsha bilim berýmen qamtylǵan. Sonymen qatar, mektepterdi jańǵyrtý jumystary da qarqyndy júrgizilýde. Memleket basshysynyń tapsyrmasyna sai, oblysta 2025-2027 jyldary 115 mektep jańǵyrtýdan ótedi. Biyl 41 mektepti jańǵyrtý josparlanyp otyr. Onyń ishinde, 15 mektepke aǵymdaǵy jóndeý jumystary júrgizilse, 26 mektepke kúrdeli jóndeý jumystaryn júrgizý qolǵa alynǵan. Bul aýyldaǵy oqýshy men qaladaǵy oqýshynyń teń dárejede bilim alýyna jol ashady.
Atalǵan aýyl mektepteriniń basym bóligi 30-40 jyldan astam ýaqyt buryn salynǵan. Jóndeý jumystary tek ǵimarattarǵa ǵana júrgizilmeidi. Mektepterdegi ashanalar, kitaphanalar, sport zaldar, pán kabinetteri men synyp bólmeleri tolyq jabdyqtalyp, qaýipsizdik júiesi men jihazdarmen qamtamasyz etiledi.
Kúrdeli jóndeý jumystaryn qajet etetin 26 mekteptiń 6-nyń qarjysy oblystyq biýdjetten qaralǵan. Al 3 mektepti «Aýyl – El besigi» baǵdarlamasymen jóndeý kózdelgen.
