تٷركٸستان وبلىسىندا بيىل جايلى مەكتەپ ۇلتتىق جوباسى اياسىندا 29 مەكتەپ سالىنىپ, ونىڭ ٸشٸندە 13-ٸ پايدالانۋعا بەرٸلدٸ. ەندٸ بيىل جىل سوڭىنا دەيٸن تاعى 16 مەكتەپ ٸسكە قوسىلادى دەپ جوسپارلانىپ وتىر, دەپ حابارلايدى Dalanews.kz
سونداي-اق, «قاۋٸپسٸز مەكتەپ» جوباسى اياسىندا بٸلٸم الۋشىلارعا تولىق جاعداي جاسالعان. ونىڭ ٸشٸندە, وقۋلىقتارمەن, ىستىق تاماقپەن, قوسىمشا بٸلٸم بەرۋمەن قامتىلعان. سونىمەن قاتار, مەكتەپتەردٸ جاڭعىرتۋ جۇمىستارى دا قارقىندى جٷرگٸزٸلۋدە. مەملەكەت باسشىسىنىڭ تاپسىرماسىنا ساي, وبلىستا 2025-2027 جىلدارى 115 مەكتەپ جاڭعىرتۋدان ٶتەدٸ. بيىل 41 مەكتەپتٸ جاڭعىرتۋ جوسپارلانىپ وتىر. ونىڭ ٸشٸندە, 15 مەكتەپكە اعىمداعى جٶندەۋ جۇمىستارى جٷرگٸزٸلسە, 26 مەكتەپكە كٷردەلٸ جٶندەۋ جۇمىستارىن جٷرگٸزۋ قولعا الىنعان. بۇل اۋىلداعى وقۋشى مەن قالاداعى وقۋشىنىڭ تەڭ دەرەجەدە بٸلٸم الۋىنا جول اشادى.
اتالعان اۋىل مەكتەپتەرٸنٸڭ باسىم بٶلٸگٸ 30-40 جىلدان استام ۋاقىت بۇرىن سالىنعان. جٶندەۋ جۇمىستارى تەك عيماراتتارعا عانا جٷرگٸزٸلمەيدٸ. مەكتەپتەردەگٸ اسحانالار, كٸتاپحانالار, سپورت زالدار, پەن كابينەتتەرٸ مەن سىنىپ بٶلمەلەرٸ تولىق جابدىقتالىپ, قاۋٸپسٸزدٸك جٷيەسٸ مەن جيھازدارمەن قامتاماسىز ەتٸلەدٸ.
كٷردەلٸ جٶندەۋ جۇمىستارىن قاجەت ەتەتٸن 26 مەكتەپتٸڭ 6-نىڭ قارجىسى وبلىستىق بيۋدجەتتەن قارالعان. ال 3 مەكتەپتٸ «اۋىل – ەل بەسٸگٸ» باعدارلاماسىمەن جٶندەۋ كٶزدەلگەن.
