Túrkistan oblysy Saryaǵash aýdany Jibek joly aýylynda bes jasar qyzdy zorlaǵan er adamǵa jeńil úkim shyǵarǵan sýdia jumysynan ketti, - dep habarlaidy Dalanews.kz.
Saryaǵash aýdandyq sotynyń sýdiasy bolǵan Nurǵazy Shetenov qyzmetinen ketkeni týraly buiryqqa prezident qol qoiǵan. Qujatta Nurǵazy Shetenov "tártiptik teris qylyq jasaǵany úshin" sot jiýriiniń sheshimi boiynsha qyzmetinen bosatylǵany aitylǵan.
Nurǵazy Shetenov buǵan deiin otstavkaǵa ketken bolatyn. Shetenov naqty qandai sebepke bailanysty otstavkaǵa ketý týraly ótinish jazǵany belgisiz.
Aita keteiik, byltyr shildede Joǵarǵy sottaǵylar Shetenov sot tóraǵasy qyzmetinen ketetinin aityp sendirgen bolatyn. Artynsha ol bir jarym aidan keiin tekseris júrgizilgennen keiin ǵana qyzmetinen ketýge ótinish bergeni belgili boldy.
Kúdiktige buǵan deiin qandai jeńil jaza berilgen edi?
Shetenov úkim shyǵarǵan kúdikti buryn adam óltirgeni úshin 2006 jyly 10 jylǵa bas bostandyǵynan aiyrylǵan bolatyn. Keiinnen kúdikti jazasyn ótep bitkennen keiin 2023 jylǵy mamyrda ishimdik iship otyryp, aýyldasymen janjaldasqan soń, ony baltamen urǵany belgili boldy. Al sýdia kúdiktiniń jábirlenýshimen tatýlasqanyn, buryn sottylyǵynyń joiylǵanyn eskere otyryp, oǵan probatsiialyq baqylaý belgileýmen 3 jyl bas bostandyǵyn shekteý taǵaiyndaǵan edi.
Keiinnen er adam 2023 jyldyń mamyrynda Túrkistan oblysynda bes jasar qyzdy óltirdi jáne zorlady degen kúdikke ilindi. Byltyr 7 qyrkúiekte Shymkentte 48 jastaǵy kúdiktige úkim shyǵaryldy. Sot ony 5 jasar qyzdy óltirgeni úshin kináli dep tanyp, ómir boiyna bas bostandyǵynan aiyrý jazasyn taǵaiyndady. Sottalǵan adam qaýipsizdigi eń joǵary koloniiada jazasyn ótep jatyr.
