Túrkistan oblysyndaǵy oblystyq  mańyzy  bar  avtomobıl  joldaryn qardan  tazalaý  jáne  taıǵaqty  jerlerge  qum-tuz  aralasqan  ınertti  zattar  sebý  jumystary júrýde, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Aǵymdaǵy jyldyń 18-19 qańtary kúnderi oblystaǵy joldarǵa 933 750 sharshy metr ınertti zattar sebilgen. Jalpy qysqy maýsymǵa kóktaıǵaqqa qarsy 8 500 tekshe metr qum, 675 tonna ınertti materıaldar daıyndalǵan. Joldardy qysta kútip ustaý jumystaryna 354 jumysshy, 125 birlik arnaıy tehnıka jumyldyrylyp otyr.

2021 jyldyń 23 qarashasynan bastap respýblıkalyq mańyzy bar avtomobıl joldarynyń 321 shaqyrymy aqyly júıege engizilgen bolatyn. Aqyly joldardy kútip ustaý jumystaryn «Shymkent-Tashkent», «Shymkent-Taraz» baǵyttary boıynsha - «ShymkentSpesKompleks» JSHS-i, «Shymkent-Qyzylorda» baǵyty boıynsha - «South Road» JSHS-i júrgizýde. Qalǵan 402,1 shaqyrym avtojol - «Qazaqavtojol» JSHS tıesili.