اعىمداعى جىلدىڭ 18-19 قاڭتارى كۇندەرى وبلىستاعى جولدارعا 933 750 شارشى مەتر ينەرتتى زاتتار سەبىلگەن. جالپى قىسقى ماۋسىمعا كوكتايعاققا قارسى 8 500 تەكشە مەتر قۇم، 675 توننا ينەرتتى ماتەريالدار دايىندالعان. جولداردى قىستا كۇتىپ ۇستاۋ جۇمىستارىنا 354 جۇمىسشى، 125 بىرلىك ارنايى تەحنيكا جۇمىلدىرىلىپ وتىر.
2021 جىلدىڭ 23 قاراشاسىنان باستاپ رەسپۋبليكالىق ماڭىزى بار اۆتوموبيل جولدارىنىڭ 321 شاقىرىمى اقىلى جۇيەگە ەنگىزىلگەن بولاتىن. اقىلى جولداردى كۇتىپ ۇستاۋ جۇمىستارىن «شىمكەنت-تاشكەنت»، «شىمكەنت-تاراز» باعىتتارى بويىنشا - «شىمكەنتسپەسكومپلەكس» ءجشس-ى، «شىمكەنت-قىزىلوردا» باعىتى بويىنشا - «South Road» ءجشس-ى جۇرگىزۋدە. قالعان 402،1 شاقىرىم اۆتوجول - «قازاقاۆتوجول» ج ش س تيەسىلى.
