Túrkistan oblysynda 5 jylda 86 mektep salynady
Jańa oqý jylynda Túrkistan oblysynda 6 memlekettik 7 jekemenshik mektep paidalanýǵa beriledi dep josparlanýda. Jyl sońyna deiin 20-dan astam jekemenshik bilim uialary ashylady.
Budan bólek, Prezident tapsyrmasymen júzege asyp jatqan «Jaily mektep» pilottyq jobasymen 3 jylda 63 mektep salynady. Oblysta bilim berý salasynda 2511 uiym qyzmet kórsetedi. 1 372 mektepke deiingi uiymda 155 myń bala tárbielenýde. 2-6 jastaǵy balalardy balabaqshamen qamtý 98%-dy quraidy. Oblysta jalpy 1000 mektepte (memlekettik – 907, jeke – 93) 515 myń oqýshy bilim alady.
Óńirdegi 894 memlekettik mekteptiń qaýipsizdigin qamtamasyz etý úshin jergilikti biýdjetten tiisti qarjy bólindi. Osy arqyly beinebaqylaý, týrniket, qorshaý, dabyl túimesi ornatylady. Arnaiy kúzet qyzmetimen qamtylady.
Sondai-aq Túrkistan oblysynda 1-4 synyptaǵy oqýshylardy tegin tamaqpen qamtamasyz etý máselesi tolyq sheshildi.
