تٷركٸستان وبلىسىندا 5 جىلدا 86 مەكتەپ سالىنادى
جاڭا وقۋ جىلىندا تٷركٸستان وبلىسىندا 6 مەملەكەتتٸك 7 جەكەمەنشٸك مەكتەپ پايدالانۋعا بەرٸلەدٸ دەپ جوسپارلانۋدا. جىل سوڭىنا دەيٸن 20-دان استام جەكەمەنشٸك بٸلٸم ۇيالارى اشىلادى.
بۇدان بٶلەك, پرەزيدەنت تاپسىرماسىمەن جٷزەگە اسىپ جاتقان «جايلى مەكتەپ» پيلوتتىق جوباسىمەن 3 جىلدا 63 مەكتەپ سالىنادى. وبلىستا بٸلٸم بەرۋ سالاسىندا 2511 ۇيىم قىزمەت كٶرسەتەدٸ. 1 372 مەكتەپكە دەيٸنگٸ ۇيىمدا 155 مىڭ بالا تەربيەلەنۋدە. 2-6 جاستاعى بالالاردى بالاباقشامەن قامتۋ 98%-دى قۇرايدى. وبلىستا جالپى 1000 مەكتەپتە (مەملەكەتتٸك – 907, جەكە – 93) 515 مىڭ وقۋشى بٸلٸم الادى.
ٶڭٸردەگٸ 894 مەملەكەتتٸك مەكتەپتٸڭ قاۋٸپسٸزدٸگٸن قامتاماسىز ەتۋ ٷشٸن جەرگٸلٸكتٸ بيۋدجەتتەن تيٸستٸ قارجى بٶلٸندٸ. وسى ارقىلى بەينەباقىلاۋ, تۋرنيكەت, قورشاۋ, دابىل تٷيمەسٸ ورناتىلادى. ارنايى كٷزەت قىزمەتٸمەن قامتىلادى.
سونداي-اق تٷركٸستان وبلىسىندا 1-4 سىنىپتاعى وقۋشىلاردى تەگٸن تاماقپەن قامتاماسىز ەتۋ مەسەلەسٸ تولىق شەشٸلدٸ.
