Túrkistan oblysy ákiminiń orynbasary Meıirjan Myrzalıev, oblystyq Tabıǵı resýrstar jáne tabıǵat paıdalanýdy retteý basqarmasynyń basshysy Qaırat Abdýalıev pen BAQ ókilderiniń qatysýymen «Tabıǵat kúnine» oraı «Birge taza Qazaqstan» atty aksıasy ótti. Shara barysynda 180 gektar jerge 3 myńnan astam aǵash otyrǵyzyldy. Aǵash egýge 200-ge jýyq qyzmetkerler jumyldyrylǵan.
Túrkistan oblysynda 3 mln 131 myń gektar orman qory bar. Ormanmen kómkerilgen alqaby – 1 mln 630 myń gektar. Oblys ákiminiń bastamasymen, Túrkistan qalasy Bas josparynyń jobasyna sáıkes, qala aınalasynan 7 700 gektar aýmaqqa «Jasyl beldeý» qurý jospary jyl sońyna deıin tolyq júzege asady.
Sonymen qatar, «Jasyl beldeý» aýmaǵyna KazAtomónerkásip AQ-men birlesip, 7000 gektar jerge japyraqty jáne sekseýil kóshetteri men tuqymy egildi. Jyl sońyna deıin onyń kólemin 20 myń gektarǵa jetkizý josparlanǵan.
Orman aǵashtaryn kútip-baptaý, tolyqtyrý, ormannyń tabıǵı túrde qaıta túleýine yqpal jasaýy men orman tuqymbaqtaryn damytý sharalaryna oblystyq búdjetten 179 mln teńge bólingen. Búginde orman tuqymbaqtarynyń kólemi eki eke ulǵaıyp, 730 gektarǵa jetken. Jyl saıyn 40 mıllıonǵa deıin ártúrli aǵash kóshetterin ósirý josparlanǵan.
Orman alqaptarynyń keńeıýine baılanysty jáne ormandy molaıtý jáne orman ósirý salasynda josparlanǵan jumystardy sapaly, tolyǵymen oryndaý maqsatynda arnaıy tehnıka sany artýda. Atap aıtqanda, sońǵy úsh jylda olardyń sany 400-den aspaq. Jaqyn arada 59 dana tehnıka men 48 dana qosalqy agregattar alý josparlanǵan.
Túrkistan qalasyn kógaldandyrý jumystary boıynsha Keshendi josparyna sáıkes, orman sharýashylyǵyn damytý, ulǵaıtý, qorshaǵan ortany qorǵaý baǵdarlamalary qarqyndy júzege asyp keledi.
Ǵylymı esepteýler boıynsha 1 gektar orman jylda 18 mln.tekshe metr aýany tazartady. Nemese, sol orman bir kúninń ishinde 11 tonna ýly kómirqyshqyl gazdaryn boıyna sińirip, ydyratyp otyrady.
