تۇركىستان وبلىسى اكىمىنىڭ ورىنباسارى مەيىرجان مىرزالييەۆ، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قايرات ابدۋالييەۆ پەن ب ا ق وكىلدەرىنىڭ قاتىسۋىمەن «تابيعات كۇنىنە» وراي «بىرگە تازا قازاقستان» اتتى اكسياسى ءوتتى. شارا بارىسىندا 180 گەكتار جەرگە 3 مىڭنان استام اعاش وتىرعىزىلدى. اعاش ەگۋگە 200-گە جۋىق قىزمەتكەرلەر جۇمىلدىرىلعان.
تۇركىستان وبلىسىندا 3 ملن 131 مىڭ گەكتار ورمان قورى بار. ورمانمەن كومكەرىلگەن القابى – 1 ملن 630 مىڭ گەكتار. وبلىس اكىمىنىڭ باستاماسىمەن، تۇركىستان قالاسى باس جوسپارىنىڭ جوباسىنا سايكەس، قالا اينالاسىنان 7 700 گەكتار اۋماققا «جاسىل بەلدەۋ» قۇرۋ جوسپارى جىل سوڭىنا دەيىن تولىق جۇزەگە اسادى.
سونىمەن قاتار، «جاسىل بەلدەۋ» اۋماعىنا كازاتومونەركاسىپ اق-مەن بىرلەسىپ، 7000 گەكتار جەرگە جاپىراقتى جانە سەكسەۋىل كوشەتتەرى مەن تۇقىمى ەگىلدى. جىل سوڭىنا دەيىن ونىڭ كولەمىن 20 مىڭ گەكتارعا جەتكىزۋ جوسپارلانعان.
ورمان اعاشتارىن كۇتىپ-باپتاۋ، تولىقتىرۋ، ورماننىڭ تابيعي تۇردە قايتا تۇلەۋىنە ىقپال جاساۋى مەن ورمان تۇقىمباقتارىن دامىتۋ شارالارىنا وبلىستىق بيۋدجەتتەن 179 ملن تەڭگە بولىنگەن. بۇگىندە ورمان تۇقىمباقتارىنىڭ كولەمى ەكى ەكە ۇلعايىپ، 730 گەكتارعا جەتكەن. جىل سايىن 40 ميلليونعا دەيىن ءارتۇرلى اعاش كوشەتتەرىن ءوسىرۋ جوسپارلانعان.
ورمان القاپتارىنىڭ كەڭەيۋىنە بايلانىستى جانە ورماندى مولايتۋ جانە ورمان ءوسىرۋ سالاسىندا جوسپارلانعان جۇمىستاردى ساپالى، تولىعىمەن ورىنداۋ ماقساتىندا ارنايى تەحنيكا سانى ارتۋدا. اتاپ ايتقاندا، سوڭعى ءۇش جىلدا ولاردىڭ سانى 400-دەن اسپاق. جاقىن ارادا 59 دانا تەحنيكا مەن 48 دانا قوسالقى اگرەگاتتار الۋ جوسپارلانعان.
تۇركىستان قالاسىن كوگالداندىرۋ جۇمىستارى بويىنشا كەشەندى جوسپارىنا سايكەس، ورمان شارۋاشىلىعىن دامىتۋ، ۇلعايتۋ، قورشاعان ورتانى قورعاۋ باعدارلامالارى قارقىندى جۇزەگە اسىپ كەلەدى.
عىلىمي ەسەپتەۋلەر بويىنشا 1 گەكتار ورمان جىلدا 18 ملن.تەكشە مەتر اۋانى تازارتادى. نەمەسە، سول ورمان ءبىر كۇنىنڭ ىشىندە 11 توننا ۋلى كومىرقىشقىل گازدارىن بويىنا ءسىڭىرىپ، ىدىراتىپ وتىرادى.
