Túrkistan oblysynda 1,5 myńǵa jýyq shaqyrym jol jóndelýde
Biyl onyń 417 nysany nemese 994,7 shaqyrym paidalanýǵa beriletin bolady. Bul týraly Jolaýshylar kóligi jáne avtomobil joldary basqarmasynyń basshysy Nurlan Baiǵut Óńirlik kommýnikatsiialar qyzmetinde ótken baspasóz jiynynda málimdedi.
Onyń sózinshe, 2016 jyly 14 917,2 mln. teńgege 209 nysan nemese 536,3 shaqyrym joldar men kósheler qalpyna kelitirilgen. 2017 jyly 16 296,2 mln. teńgege 468 nysan nemese 1 305,4 shaqyrym jóndelgen.
– Biyl 2017 jylmen salystyrǵanda qarjy kólemi 61,6 paiyzǵa ósip, nátijesinde jóndeý jumystary júrgiziletin joldyń uzyndyǵy 8,9 paiyzǵa artty. Iaǵni, qaita qurý men qurylys jumystarynda nysan sany eki ese artyp, shaqyrym kórsetkishi 100 paiyzǵa, shaqyrym uzyndyǵy 351 paiyzǵa jáne bólingen qarjy kólemi 73,3 paiyzǵa ósim kórsetti. Kúrdeli jóndeý jumystarymen qamtylǵan shaqyrym uzyndyǵy 391,3 paiyzǵa, bólingen qarjy kólemi 282,3 paiyzǵa ósim kórsetti, – dedi basqarma basshysy.
Jalpy alǵanda oblystyq jáne aýdandyq mańyzy bar avtomobil joldarynyń jaqsy jáne qanaǵatty jaǵdaidaǵy úlesi 2017 jyldyń qorytyndysymen 64,4 paiyzǵa qol jetkizildi. Elbasynyń bergen tapsyrmasyna sáikes, jaqsy jáne qanaǵatty jaǵdaidaǵy avtomobil joldarynyń 2018 jylǵy úlesi 64,7-den 70,7-ge deiin kóterildi. Josparlanǵan kórsetkish tolyǵymen oryndalatyn bolady.
Aita keteiik, oblys aýmaǵyndaǵy oblystyq mańyzy bar avtomobil joldarynyń boiynda 410 kópir bar. 2016 jyldyń qorytyndysymen 410 kópirdiń 291-i qanaǵatty jaǵdaida bolsa, 2017 jyly bul kórsetkish 309-ǵa jetti nemese 75,4 paiyzdy qurady. Al, biyl 316 kópir qanaǵatty jaǵdaiǵa ótedi degen jospar bar.
Túrkistan oblysy ákiminiń baspasóz qyzmeti
