QR Indýstriia jáne infraqurylymdyq damý ministrligimen Túrkistan oblysynyń ákimdigi arasynda 2018 jyldyń 30 qarashasynda «Túrkistan qalasynyń jol-kólik infraqurylymyn damytý boiynsha ózara túsinistik pen yntymaqtastyq týraly Memorandýmy» túzilgen bolatyn.
Kelisim negizinde 2019 jyly respýblikalyq biýdjetten 70/30 pariteti negizinde oblys kólemindegi jergilikti mańyzy bar avtomobil joldaryn jóndeý jumystaryna 7,6 mlrd. teńge qaralǵan. Negizgi paritet 50/50, iaǵni maqsat - oblystyq biýdjetten bosaǵan 20 paiyz qarjyny Túrkistan qalasynyń ishki kósheler jelisin damytýǵa baǵyttaý. Aǵymdaǵy jyly Túrkistan qalasynyń ishki kóshelerinde jóndeý jumystaryn júrgizýge oblystyq biýdjetten – 2 mlrd. 587,5 mln. teńge qaralǵan.
Sondai-aq, oblys ortalyǵy Túrkistan qalasynda jańadan salynatyn áýejaiǵa (qalanyń soltústik-shyǵys baǵytynda) baratyn joldyń qurylysyn júrgizý maqsatynda oblys ákimdigi tarapynan atalǵan avtomobil jolynyń qurylysyna ekonomikalyq-tehnikalyq negizdeme ázirlenýde. Jalpy joldyń uzyndyǵy – 11,7 shaqyrymdy quraidy.
Budan ózge, Túrkistan qalasynan jańa avtobeketter salý boiynsha Shymkent baǵytynda jeke investitsiia esebinen 3 gektar aýmaqqa táýligine 10 myń jolaýshyǵa (600 avtobýs) qyzmet kórsete alatyn jańa avtobekettiń qurylysy júrgiziletin bolady. Qyzylorda baǵyty boiynsha qazirgi tańda oblystyq sáýlet jáne qala qurylysy basqarmasy jańa avtovokzaldyń ornyn anyqtaý ústinde. Jańa avtovokzal salýǵa investorlar niet bildirýde.
Túrkistan oblysy ákiminiń baspasóz qyzmeti
