Túrkistan oblysyna «Hayat-Vax» vaktsinasynyń 13 myń dozasy jetkizildi
Oblys boiynsha 102 meditsinalyq mekemelerde infektsiiaǵa qarsy vaktsinatsiialaý jumystary júrgizilip kelse, qazir ekpe egý pýnkterniń sany 128-ge jetti.
Jalpy 1-aqpannan oblysqa COVID-19 indetine qarsy vaktsinanyń 193 myńnan astam dozasy jetkizilgen. Búgin taǵy «Hayat-Vax» vaktsinasynyń 13 myń dozasy keldi. Sonymen qatar, ekinshi komponent «Hayat-Vax» 17 myń dozasy jáne «Spýtnik-V» 11 myń dozasy búgin jetkizildi. Óńirde vaktsinanyń tapshylyǵy baiqalmaidy.
Sońǵy táýlikte Túrkistan oblysynda 39 adamda COVID-19 indeti anyqtaldy. Táýliktik ósim 0,65 % quraidy. Memlekettik PTR zerthanalarynyń sany 3 birlikten 10 birlikke deiin jetkizildi. Jalpy oblysta pandemiia beleń alǵaly 700 myńnan astam azamattan PTR synamalary alynǵan. Al, sońǵy táýlikte zerthanalarda 3588 adam tekserildi. Oblys boiynsha 1200 infektsiialyq jáne 300 karantindik jáne 188 reanimatsiialyq tósek-oryn uiymdastyrylǵan.
