«Qazaqstan Respýblikasyndaǵy merekeler týraly» Zańyna sáikes, jyl saiyn elimizde maýsym aiynyń ekinshi jeksenbisinde «Malshylar kúni» kásibi merekesi atap ótiledi. Túrkistan oblysynyń mal sharýashylyǵy salasy elimizde jetekshi orynda. Memlekettik qoldaý men atqarylyp jatqan jumystardyń nátijesinde mal sharýashylyǵy qarqyndy damý jolyna tústi.
Ótken jyly mal sharýashylyǵy ónimi 470 mlrd. teńgeni qurap, úlesi respýblikada 1 orynnǵa shyqty nemese 11 % qurady. Elimizdegi iri qara mal sanynyń 13 paiyzy, qoidyń 22 paiyzy, jylqynyń 11 paiyzy, túieniń 15 paiyzy, óndirilgen ettiń 13 paiyzy, súttiń 16 paiyzy óńirdiń úlesinde.
Oblystaǵy qoi basynyń 14 %, IQM, jylqynyń 5 %, túieniń 7 % asyl tuqymdy. 2024 jyldyń 4 aiynda iri qara mal sany 1 mln. 232,5 myń bas, qoi men eshki 5 mln. 502,4 myń bas, jylqy 484,8 myń bas, túie 44,5 myń bas, qus 2 mln. 085,5 myń basty qurady. 78,4 myń tonna et, 235,33 myń tonna sút, 78,3 mln. dana jumyrtqa óndirildi.
Et eksporty boiynsha Túrkistan oblysy respýblikada kósh basynda. Eksportqa shyǵarylatyn iri qara mal etiniń 80%, usaq mal etiniń 75% oblystyń enshisinde (2023 jyly 10,9 myń tonna IQM, 5 myń tonna qoi eti eksportaldy.
Mal sharýashylyǵy ónimderiniń eksporttyq kólemin ulǵaitýda óńirde bordaqylaý alańdary men keshenderin júieli damytý isi oń septigin tigizýde. Oblysta jalpy 9183 iri qara mal bordaqylaý alańy bar. Onyń ishinde, 400 basqa deiin 9148 birlik, 400 bastan 1000 basqa deiin 13 birlik, 1000 bastan joǵary 22 mal bordaqylaý alańy jumys istep tur.
Oblysta mal sharýashylyǵy ónimderin qaita óńdeýde 7 et ónimderin óńdeý (24,6 myń tonna), 23 sút ónimderin óńdeý (143,2 myń tonna) kásiporyndary jumys isteidi. Osy kásiporyndar esebinen oblysta óndirilgen ettiń 29,0 %, súttiń 21,5 % qaita óńdelip, naryqqa shyǵarylýda.
Atap aitqanda, «Qarqyn-2030» JShS-niń «Narlen» markasymen shujyq, jumyrtqa ónimderi, «Aikan» JShS-niń «Emir» markasymen sút ónimderi, «Bórte milka» JShS-niń «Bórte Milka» markasymen sút ónimderi Qazaqstan naryǵynda joǵary suranysqa ie bolyp, brendtke ainala bildi.
Sút ónimderin óńdeý kásiporyndarynyń qýattylyǵyn arttyrý boiynsha jalpy quny 10,5 mlrd. teńgeni quraityn 3 iri taýarly sút fermalary investitsiialyq jobalary júzege asyrylýda. Bul jobalardy qoldaýǵa respýblikalyq biýdjetten jyldyq 2,5 % mólsherlememen 6,0 mlrd. teńge qarjy bólindi. Olar: «BNK AGRO KZ» JShS, «Bórte Milka» JShS, «Sultan Agro» JShS.
Jobalar Túrkiialyq «Sezer», Shvetsiialyq «De-Ieval» avtomatty tehnologiialyq qondyrǵylarymen jabdyqtalady. Daniia, Vengriia memleketterinen ónimdiligi joǵary Golshtin tuqymdy 1600 bas jáne Simmental tuqymdy 600 bas analyq iri qara mal ákelinedi. Osy jobalar arqyly jylyny qosymsha 10,4 myń tonna sút ónimi óndiriledi.
Túrkistan oblysy ákiminiń baspasóz qyzmeti
