Túrkistan oblysy ákiminiń orynbasary Beisenbai Tájibaev Ulttyq biryńǵai testileýden eń joǵary 140 upai jinap, rekord ornatqan Jánibek Ábilhandy qabyldady, – dep habarlaidy Dalanews.kz
Kezdesýge Shoqan Ýálihanov atyndaǵy mektep-gimnaziiasynyń direktory Sáýle Isanova men synyp jetekshisi Gúlzira Bortaeva qatysty. Oblys ákimi Nuralhan Kósherovtiń atynan jas túlekti arnaiy quttyqtap, syi-syiapat jasady. Marapat pen oqýǵa qajet noýtbýk qurylǵysyn tabystady. Ustazdaryna qurmet kórsetti.
— Apta óńir úshin óte qýanyshty jańalyqpen bastaldy. Onyń basty sebepkeri ári keiipkeri – Jánibek ózińiz. Respýblika kóleminde Túrkistan óńiri men aýylyńyzdyń abyroiyn kóterip, rekord jasadyńyz. Otandastarymyzǵa úlgi boldyńyz. Shyn júrekten quttyqtaimyz! Ziiatker oqýshymyzdy bilim nárimen sýsyndatyp, tárbie bergen ustazdarǵa alǵysymyz mol. Bul bir kúndik jumys emes. Jyldarǵa ulasqan eńbektiń nátijesi. Jánibek sekildi eldi bilimimen moiyndatatyn shákirtterińiz kóbeisin. Kásibilikterińizdi oqýshylar arqyly dáleldeisizder. Jánibek sonyń jarqyn kórinisi. Bilim uiasymen tanyspyz. Mekteptiń mańdai aldy túlegi eń myqty ýniversitetke oqýǵa túsýine tilektespiz. Tańdaǵan salańyzdyń shyńyna shyǵyp, memleketimizde suranysqa ie mamandardyń biregeiine ainalyńyz. Ata-anańyz, ustazdaryńyz ben oblystyń úmitin árdaiym aqtaidy dep senemiz. Biik belesterdi baǵyndyryńyz! , - dedi Beisenbai Dáýletuly.
Jánibek Asqarulynyń mamandyǵy belgili. Tańdaýy informatika pánine túsken. Kópbalaly otbasynda turady. Muǵalimderi bala kezden aqyldy, zerek, izdenimpaz, salmaqty jáne tabandy ekenin aitýda.
Rekordsmen oqýshy bilim alǵan mektep Túrkistan oblysy, Ordabasy aýdany, Temirlan aýylynda ornalasqan. 1500-den astam bala tálim alyp jatyr. Oqý jylynda 100-den astam oqýshy mektep bitiredi. Ǵimaraty 1986 jyly salynǵan. Oblys ákiminiń orynbasary B.Tájibaev Shoqan Ýálihanov atyndaǵy mektep-gimnaziiasy renovatsiia tizimine engizilgenin málimdedi. Biyl nysanǵa kúrdeli jóndeý júrgiziledi. Balalar jańa oqý jylynda jańǵyrtylǵan mektepke barady.
Aita keteiik, Túrkistan óńirinde qazirgi tańda 1093 mektepte 553 myńnan astam oqýshy bar. Biylǵy oqý jylynda 33 myńnan astamy 11-synypty bitiredi. Onyń ishinde 27 myńnan asa túlek UBT tapsyrady. Oblysta 5 testileý pýnkti jumys istep tur.
