Túrkistan oblysy mádeniet basqarmasyna qarasty “Uly Dala Eli” memlekettik kommýnaldyq qazynalyq kásiporny memleket qarajaty esebinen “G7 Exlusive” JShS-ne tarihi beinerolik jasaýǵa tapsyrys bergen. Kelisimshart memlekettik satyp alý portalynda jariialanǵan, dep habarlaidy Dalanews.kz.
Videoroliktiń uzaqtyǵy nebári 3–7 minýtty quraidy. Al jobanyń quny – 100,8 million teńge.
Kelisimshart 2025 jyldyń 25 qarashasynda jasalǵan.
“Budan ári “Tapsyrys berýshi” dep atalatyn Túrkistan oblysy mádeniet basqarmasynyń “Uly Dala Eli Ortalyǵy” memlekettik kommýnaldyq qazynalyq kásiporny, jarǵy negizinde áreket etetin direktor Diýsenbaeva Gýljanat atynan bir taraptan jáne budan ári «Ónim berýshi» dep atalynatyn "G7 Exlusive" jaýapkershiligi shekteýli seriktestigi, Jarǵy negizinde áreket etetin Direktor Josparova Aigerim Ábiláshimqyzy atynan ekinshi taraptan, budan ári birlesip «Taraptar» dep atalatyndar, 16-bap 3-tarmaq 32-tarmaqsha mádeniet uiymynyń, mádeniet salasyndaǵy bilim berý uiymynyń, teleradio habarlaryn taratý operatorynyń sahnalyq kórsetilimderdi júzege asyrý, óner týyndylaryn kópshilik aldynda oryndaý men kórsetý jáne mádeni qundylyqtardy kórsetý úshin taýarlardy, jumystardy, kórsetiletin qyzmetterdi satyp alýy «Memlekettik satyp alý týraly» Qazaqstan Respýblikasy Zańynyń (budan ári – Zań), «Tikelei shart tujyrymy bir derekózderden» memlekettik satyp alýdyń tásili negizinde osy kórsetiletin qyzmetterdi memlekettik satyp alý týraly shartty (budan ári – Shart) jasasty jáne myna tómendegi týraly kelisimge keldi”, — delingen kelisimshart mátininde.
