تۇركىستان وبلىسى مادەنيەت باسقارماسىنا قاراستى “ۇلى دالا ەلى” مەملەكەتتىك كوممۋنالدىق قازىنالىق كاسىپورنى مەملەكەت قاراجاتى ەسەبىنەن “G7 Exlusive” ج ش س-نە تاريحي بەينەروليك جاساۋعا تاپسىرىس بەرگەن. كەلىسىمشارت مەملەكەتتىك ساتىپ الۋ پورتالىندا جاريالانعان، دەپ حابارلايدى Dalanews.kz.
ۆيدەوروليكتىڭ ۇزاقتىعى نەبارى 3–7 مينۋتتى قۇرايدى. ال جوبانىڭ قۇنى – 100،8 ميلليون تەڭگە.
كەلىسىمشارت 2025 جىلدىڭ 25 قاراشاسىندا جاسالعان.
“بۇدان ءارى “تاپسىرىس بەرۋشى” دەپ اتالاتىن تۇركىستان وبلىسى مادەنيەت باسقارماسىنىڭ “ۇلى دالا ەلى ورتالىعى” مەملەكەتتىك كوممۋنالدىق قازىنالىق كاسىپورنى، جارعى نەگىزىندە ارەكەت ەتەتىن ديرەكتور ديۋسەنبايەۆا گۋلجانات اتىنان ءبىر تاراپتان جانە بۇدان ءارى «ءونىم بەرۋشى» دەپ اتالىناتىن "G7 Exlusive" جاۋاپكەرشىلىگى شەكتەۋلى سەرىكتەستىگى، جارعى نەگىزىندە ارەكەت ەتەتىن ديرەكتور جوسپاروۆا ايگەرىم ءابىلاشىم قىزى اتىنان ەكىنشى تاراپتان، بۇدان ءارى بىرلەسىپ «تاراپتار» دەپ اتالاتىندار، 16-باپ 3-تارماق 32-تارماقشا مادەنيەت ۇيىمىنىڭ، مادەنيەت سالاسىنداعى ءبىلىم بەرۋ ۇيىمىنىڭ، تەلەراديو حابارلارىن تاراتۋ وپەراتورىنىڭ ساحنالىق كورسەتىلىمدەردى جۇزەگە اسىرۋ، ونەر تۋىندىلارىن كوپشىلىك الدىندا ورىنداۋ مەن كورسەتۋ جانە مادەني قۇندىلىقتاردى كورسەتۋ ءۇشىن تاۋارلاردى، جۇمىستاردى، كورسەتىلەتىن قىزمەتتەردى ساتىپ الۋى «مەملەكەتتىك ساتىپ الۋ تۋرالى» قازاقستان رەسپۋبليكاسى زاڭىنىڭ (بۇدان ءارى – زاڭ)، «تىكەلەي شارت تۇجىرىمى ءبىر دەرەكوزدەردەن» مەملەكەتتىك ساتىپ الۋدىڭ ءتاسىلى نەگىزىندە وسى كورسەتىلەتىن قىزمەتتەردى مەملەكەتتىك ساتىپ الۋ تۋرالى شارتتى (بۇدان ءارى – شارت) جاساستى جانە مىنا تومەندەگى تۋرالى كەلىسىمگە كەلدى”، — دەلىنگەن كەلىسىمشارت ماتىنىندە.
