Búgin alǵash ret osy joba Túrkistan oblysy, Qazyǵurt aýdanynyń 3 aýyldyq okrýginde ótti. Oblystyq basqarma ókilderi, oblystyq jáne aýdandyq máslihat depýtattary, qurylymdyq sala mamandary atalǵan 3 aýyldyq okrýgke baryp, jergilikti 125 azamattyń talap-tilekterin tyńdady. Taǵy 2 eldi meken turǵyndarymen kezdesý 16 naýryz kúnine josparlanǵan.
S.Raqymov aýyldyq okrýginde ótken mobildi qoǵamdyq qabyldaýda 67 azamattyń aryz-ótinishteri qaraldy. Onda kóterilgen máselelerdiń basym bóligi jaiylym jer, aǵyn sý, kanaldardy tazalaý men kúrdeli jóndeýden ótkizýge qatysty boldy. Máselen Kókibel eldi mekeniniń turǵyny B.Abdirov birden 4 máselege shaǵymdandy. Aitýynsha, 80 turǵyn úi kanaldaǵy aǵyn sýdy paidalanady jáne oǵan mehanikalyq tazalaý jumystaryn júrgizý qajet. Sonymen qatar kúl- qoqys tazalaityn poligonnyń qaraýsyz qalýy, ózine tiesili jerge qatysty zańsyzdyqtyń oryn alýy jáne eldi mekenge jańa stadion salý jaiy alańdatanynyn jetkizdi.
Al Jańabazar eldi mekenindegi 10 azamattyń talap-tilekteri bir-birine uqsamaidy, qaitalanbaidy. Atap aitqanda, A.Janaliev «Beinetkesh» móltek aýdanyna eldi meken statýsy qaita berilse degen ótinishin bildirdi. Budan bólek Á.Qýatbai oblystyq mańyzy bar KH-29 jolyn qaita kúrdeli jóndeýden ótkizý kerektigin nazarǵa alýdy surady. Qabyldaýda sonymen qatar eldi mekenniń infraqurylymy, jaiylym jer, jastardy qoldaý úshin úiirmeler ashý men áleýmettik máseleleri de kóterildi.
Mobildi qoǵamdyq qabyldaý ókilderi munan soń Jigergen aýyldyq okrýginde boldy. Onda 15 azamat asfalt jol salýǵa, elektr baǵanalaryn jańartýǵa, jaiylym jer, kópir salyp berýge, aýyz sýmen qamtamasyz etýge, jol kedergilerin ornatýǵa yqpal kórsetýdi aitty. Eldi meken turǵyny E.Shyntaev Mádeniet úiiniń qurylysy bastalǵanymen, qai ýaqytta paidalanýǵa beriletinin anyqtaýdy surady. Qabyldaý sátinde biyl paidalanýǵa beriletini habarlandy.
Atap óterligi, atalǵan joba 15 naýryzdan bastap 1 maýsymǵa deiin jalǵasady. Iaǵni mobildi qoǵamdyq qabyldaý arqyly óńirdiń barlyq shalǵai eldi mekenin qamtý josparlanǵan. Ár aýdan, qaladaǵy 5 eldi mekende qabyldaýlar ótedi. Turǵyndar kótergen árbir másele jiti baqylaýǵa alynyp, tiisti organdar arqyly ońtaily sheshilýine deiin partiia filialynyń nazarynda bolady.
