بٷگٸن العاش رەت وسى جوبا تٷركٸستان وبلىسى, قازىعۇرت اۋدانىنىڭ 3 اۋىلدىق وكرۋگٸندە ٶتتٸ. وبلىستىق باسقارما ٶكٸلدەرٸ, وبلىستىق جەنە اۋداندىق مەسليحات دەپۋتاتتارى, قۇرىلىمدىق سالا ماماندارى اتالعان 3 اۋىلدىق وكرۋگكە بارىپ, جەرگٸلٸكتٸ 125 ازاماتتىڭ تالاپ-تٸلەكتەرٸن تىڭدادى. تاعى 2 ەلدٸ مەكەن تۇرعىندارىمەن كەزدەسۋ 16 ناۋرىز كٷنٸنە جوسپارلانعان.
س.راقىموۆ اۋىلدىق وكرۋگٸندە ٶتكەن موبيلدٸ قوعامدىق قابىلداۋدا 67 ازاماتتىڭ ارىز-ٶتٸنٸشتەرٸ قارالدى. وندا كٶتەرٸلگەن مەسەلەلەردٸڭ باسىم بٶلٸگٸ جايىلىم جەر, اعىن سۋ, كانالداردى تازالاۋ مەن كٷردەلٸ جٶندەۋدەن ٶتكٸزۋگە قاتىستى بولدى. مەسەلەن كٶكٸبەل ەلدٸ مەكەنٸنٸڭ تۇرعىنى ب.ابديروۆ بٸردەن 4 مەسەلەگە شاعىمداندى. ايتۋىنشا, 80 تۇرعىن ٷي كانالداعى اعىن سۋدى پايدالانادى جەنە وعان مەحانيكالىق تازالاۋ جۇمىستارىن جٷرگٸزۋ قاجەت. سونىمەن قاتار كٷل- قوقىس تازالايتىن پوليگوننىڭ قاراۋسىز قالۋى, ٶزٸنە تيەسٸلٸ جەرگە قاتىستى زاڭسىزدىقتىڭ ورىن الۋى جەنە ەلدٸ مەكەنگە جاڭا ستاديون سالۋ جايى الاڭداتانىنىن جەتكٸزدٸ.
ال جاڭابازار ەلدٸ مەكەنٸندەگٸ 10 ازاماتتىڭ تالاپ-تٸلەكتەرٸ بٸر-بٸرٸنە ۇقسامايدى, قايتالانبايدى. اتاپ ايتقاندا, ا.جاناليەۆ «بەينەتكەش» مٶلتەك اۋدانىنا ەلدٸ مەكەن ستاتۋسى قايتا بەرٸلسە دەگەن ٶتٸنٸشٸن بٸلدٸردٸ. بۇدان بٶلەك ە.قۋاتباي وبلىستىق ماڭىزى بار كح-29 جولىن قايتا كٷردەلٸ جٶندەۋدەن ٶتكٸزۋ كەرەكتٸگٸن نازارعا الۋدى سۇرادى. قابىلداۋدا سونىمەن قاتار ەلدٸ مەكەننٸڭ ينفراقۇرىلىمى, جايىلىم جەر, جاستاردى قولداۋ ٷشٸن ٷيٸرمەلەر اشۋ مەن ەلەۋمەتتٸك مەسەلەلەرٸ دە كٶتەرٸلدٸ.
موبيلدٸ قوعامدىق قابىلداۋ ٶكٸلدەرٸ مۇنان سوڭ جٸگەرگەن اۋىلدىق وكرۋگٸندە بولدى. وندا 15 ازامات اسفالت جول سالۋعا, ەلەكتر باعانالارىن جاڭارتۋعا, جايىلىم جەر, كٶپٸر سالىپ بەرۋگە, اۋىز سۋمەن قامتاماسىز ەتۋگە, جول كەدەرگٸلەرٸن ورناتۋعا ىقپال كٶرسەتۋدٸ ايتتى. ەلدٸ مەكەن تۇرعىنى ە.شىنتاەۆ مەدەنيەت ٷيٸنٸڭ قۇرىلىسى باستالعانىمەن, قاي ۋاقىتتا پايدالانۋعا بەرٸلەتٸنٸن انىقتاۋدى سۇرادى. قابىلداۋ سەتٸندە بيىل پايدالانۋعا بەرٸلەتٸنٸ حابارلاندى.
اتاپ ٶتەرلٸگٸ, اتالعان جوبا 15 ناۋرىزدان باستاپ 1 ماۋسىمعا دەيٸن جالعاسادى. ياعني موبيلدٸ قوعامدىق قابىلداۋ ارقىلى ٶڭٸردٸڭ بارلىق شالعاي ەلدٸ مەكەنٸن قامتۋ جوسپارلانعان. ەر اۋدان, قالاداعى 5 ەلدٸ مەكەندە قابىلداۋلار ٶتەدٸ. تۇرعىندار كٶتەرگەن ەربٸر مەسەلە جٸتٸ باقىلاۋعا الىنىپ, تيٸستٸ ورگاندار ارقىلى وڭتايلى شەشٸلۋٸنە دەيٸن پارتييا فيليالىنىڭ نازارىندا بولادى.
