Túrkistan: jańa áýejai salynatyn aýmaq bekitildi
Túrkistanda halyqaralyq áýejai salynatynyn oblys ákiminiń ózi jýrnalisterge habarlaǵan. Qai jerge salynatyny, qansha aýmaqty qamtityny anyqtalypty. Tipti birqatar kelisimderge de qol jetkizgen.Onyń qandai jobada bolatyny da usynylǵan.
Túrkistan qalasynyń sý jańa áýejaiy qaladan 25 shaqyrym keletin dál osy Shaǵa aýylynyń mańyna jaiǵaspaq. Oblys ákimi QazAeroNavigatsiia men qorǵanys ministriliginiń kelisimin alynǵanyn jetkizdi. Qosymsha 5 gektar jer Kentaý tarapynan berilmek. Qazir geologiia jumystary,jobalaý-smetalyq qujattamasy men tehnikalyq tapsyrma jasalýda eken. Keshen saǵatyna 500 adamdy qabyldap, jylyna 1 million adamǵa jetedi dep otyr.
Shaǵyn qala úshin alyp áýejaidyń qajettiligi jaiynda turǵyndar pikiri de ártúrli. Deni qurylysty qoldaidy.
Bilik jobanyń óte iri qurylys ekenin atap ótti. Birneshe ministrlikke kelisim alýǵa hat bergen. Áýejaidyń jartylai memlekettik-jekemenshik áriptestik aiasynda salyný múmkindigin de aitty.
JANDOS TASOV, Túrkistan qalalyq sáýlet jáne qurylys bóliminiń basshysy: «Joba quny 50 milliard teńge shamasynda. Joba óte aýqymdy. Jáne qymbattylyǵyna bailanysty 10 milliard teńge jergilikti biýdjetten tartylsa, qyryq milliony memlekettik-jekemenshik seriktestik aiasynda qarjylandyrý kózdelip otyr».
Mamandar jobalyq-smetalyq qujattary men basqada daiyndyq sharalaryn qosqanda naqty qurylys keler jyldyń ortasynan keiin ǵana júzege asatynyn jetkizdi.
