Túrkistan ekonomikasyna 200 mlrd teńgeden astam investitsiia tartylǵan
Qalada údemeli indýstrialdy-innovatsiialyq damý baǵdarlamasy aiasynda «Óńirlerdiń kásipkerligin qoldaý kartasyna» quny 11 mlrd 106,4 mln teńgeni quraityn 15 joba engizilgen.
– Óńirdegi ónerkásip óniminiń kólemi 13 mlrd 567 mln teńgeni qurady. Ónerkásip ónimi boiynsha qalanyń oblys kólemindegi úlesi 2,9% qurap, oblystaǵy aýdan-qalalar arasynda 5 orynda turaqtady. 2021 jyly ónerkásip salasynda jalpy quny 2 mlrd 754 mln teńgeni quraityn 4 joba iske asyrylyp, 1 367 jumys orny quryldy. Olar: «Turkestan Textile» BK» JShS toqyma jip ónerkásibi, joba quny 500 mln tenge, 1100 jańa jumys ornymen; «Euro Blok Production» JShS gazobeton bloktar zaýytynyń qurylysy, joba quny 113 mln teńge, 10 jańa jumys ornymen; «Spetsstroi» JShS, joba quny 1 mlrd 100 mln teńge, 241 jumys ornymen; «EKP-Group 878» JShS beton zaýytynyń qurylysy, joba quny 1 mlrd 41 mln teńge, 16 jańa jumys ornymen, – dedi Nurbol Ábdisattaruly.
2022-2025 jyldary «Túrkistan» indýstrialdy aimaǵynda 78 mlrd 950 mln teńgege 5 investitsiialyq joba júzege asady. Nátijesinde 1 433 jumys orny qurylady.
