– Táýelsizdiktiń arqasynda memleketimiz turaqty damý jolyna tústi. Rýhanı astanamyz Túrkistan qalasy oblys ortalyǵy retinde órkendeýdiń jańa satysyna ótti. Memleket basshysy Qasym-Jomart Toqaevtyń bastamasymen qalaǵa erekshe mártebe berý kózdelýde. Sonymen birge Prezıdentimiz óz Joldaýlary men tapsyrmalarynda halyqty baspanamen qamtý baǵytyndaǵy jumysty jandandyrýdy tapsyrǵan bolatyn. Mine, osy baǵytta jumys júrip jatyr. Búgin Túrkistan qalasynda 20 otbasy, ıaǵnı 100-ge jýyq adam kópten kútken páterlerine qol jetkizip, qonys toıyn toılaýǵa múmkindik alady. Jalpy, jyl sońyna deıin áleýmettik toptar boıynsha kezekte turǵan 700-ge jýyq adamǵa páter kiltin tapsyrý josparlanǵan. Memleket basshysynyń tapsyrmasymen júzege asyrylyp jatqan túrli baǵdarlamalar halyqtyń baspana jáne jumyspen qamtylýyna baǵyttalǵan. Búgingi qonys toıy – sonyń aıǵaǵy, – dedi Darhan Satybaldy.
Qonys toıyn toılap jatqandardyń arasynda erekshe qajettilikteri bar balalardy tárbıelep otyrǵan otbasylar, tolyq emes otbasylar, múgedekter, jetim balalar, zeınetkerler, kópbalaly otbasylar, búdjettik uıymdardyń qyzmetkerleri jáne taǵy basqalar bar.
Bıyl Túrkistan kalasy boıynsha jalpy kólemi 200 myń sharshy metrden asatyn 51 kópqabatty turǵyn úıdi paıdalanýǵa berý josparlanǵan. Bul degenimiz, 3296 páter, onyń ishinde arendalyq 709 páter ıesi baspanaly bolady degen sóz. Al, 2023 jyly 62 úı salynyp, taǵy 4202 páter ıesi qonys toıyn toılaıdy. Olardyń basym bóligi
«7-20-25» jáne «Baqytty otbasy» memlekettik
baǵdarlamalary arqyly baspanaly bolady.
