Onyń aıtýynsha, bıylǵy jyly memlekettik tapsyrysty oryndaýǵa kelisingen 81 medısınalyq uıymnyń 40-y jekemenshik klınıka.
«Oblys turǵyndarynyń 86,4 paıyzy (1 764 157) medısınalyq saqtandyrý júıesine qatysýshylar. Jalpy 3 jyldan astam ýaqyt ishinde Túrkistan oblysynan túsken soma kólemi 12,6 mlrd teńge. Onyń ishinde, 9,2 mlrd teńgesi jumys berýshilerdiń aýdarymdary bolsa, qalǵan 3,5 mlrd teńge – jeke kásipkerler men azamattyq-quqyqtyq kelisimshart negizinde eńbek etetin turǵyndarǵa tıesili. Al, ózin ózi jumyspen qamtyǵandar 52 015 teńge biryńǵaı jıyntyq tólemin tólegen», – dedi, Ashat Asanuly.
Aıta keterligi, egerde azamat MÁMS júıesinde saqtandyrylmaǵan bolsa, jarna tóleýshi sanatyna qaraı MÁMS úshin aı saıyn tólenetin jarna mólsherin anyqtap alýy kerek. Máselen, jeńildigi bar 15 sanattaǵy azamattar úshin jarnany memleket tóleıdi. Bıyldan bastap, jaldamaly jumyskerlerge – jumys berýshi býhgalterıasy jalaqynyń 2%-y mólsherinde jáne jalaqy qorynan 2% mólsherinde, jalpy Qorǵa 4% tólem jasaıdy. Sondaı-aq, jeke kásipkerler, sharýa qojalyǵy ıeleri, jeke praktıkamen aınalysatyn tulǵalar – eń tómengi jalaqynyń 5%-y mólsherinde (ETJ 2021 jyly da 42 500 teńgeni quraıdy, sondyqtan tólem mólsheri burynǵydaı – 2975 teńge) tólem jasaıdy. Al azamattyq-quqyqtyq negizde shart boıynsha jumys isteıtin tulǵalar – tabysynyń 2%-y mólsherinde, eń joǵarǵy tólem 8500 teńge tólem jasaıdy.
Ózin-ózi jumyspen qamtyǵandar úshin MÁMS júıesine qosylýdyń eki joly bar. Birinshisi – «óz betinshe» tóleýshi retinde. Jarna - eń tómengi jalaqynyń 5 paıyzyn quraıdy. Iaǵnı – 2 125 teńge tóleıdi. Ekinshisi – biryńǵaı jıyntyq tólem. BJT – respýblıkalyq mańyzy bar qalalar úshin 1 AEK (aılyq eseptik kórsetkish) - 2917 teńge. Aýyldyq jerler úshin 0,5 AEK - 1458,5 teńge. Saqtandyrý paketine engen qyzmet túrlerin paıdalaný úshin BJT sońǵy 3 aıda úzilissiz tólenýi tıis.
Budan ózge, QR Úkimetiniń 2020 jylǵy 30 qazandaǵy № 721 qaýlysyna sáıkes, SHOB úshin jeńildik kezeńi 2020 jyldyń 1 qazannan 2021 jyldyń qańtar aıyna deıin týrısik qyzmette, qoǵamdyq tamaqtandyrýda, qonaq úı bıznesinde, iri saýda obektilerinde, kınozaldar, teatrlarda, kórmeler men dene shynyqtyrý-saýyqtyrý jáne sport qurylystarynda, tamaq ónimderin jáne dári-dármekti ótkizýdi, kólik qyzmetin kórsetýge uzartylǵan bolatyn. Qazirgi tańda jeńildik kezeńi aıaqtaldy. Bul sýbektiler bıylǵy jyldyń basynan bastap MÁMS jarnalary men tólemderin tóleı bastaıdy.
Túrkistan oblysynyń Óńirlik komýnıkasıalar qyzmeti
