Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrkistan: Biyl Meditsinalyq saqtandyrý qory 130,6 mlrd teńgeniń kelisim shartyn bekitti

Dalanews
Túrkistan: Biyl Meditsinalyq saqtandyrý qory 130,6 mlrd teńgeniń kelisim shartyn bekitti
Biyl «Áleýmettik meditsinalyq saqtandyrý qory» KEAQ Túrkistan oblysy boiynsha filialy 81 meditsina uiymdarymen 130,6 mlrd teńgeniń kelisim shartyn bekitti. Tiisinshe ótken jyly bólingen qarjydan 6 paiyzǵa artqan. Qarjy - kepildendirilgen tegin meditsinalyq kómekke (TMKKK) jáne MÁMS paketteri sheńberindegi qyzmetterge baǵyttalady. Bul jóninde qordyń filial direktory Ashat Beisenbaev málimdeidi.

Onyń aitýynsha, biylǵy jyly memlekettik tapsyrysty oryndaýǵa kelisingen 81 meditsinalyq uiymnyń 40-y  jekemenshik klinika.

«Oblys turǵyndarynyń 86,4 paiyzy (1 764 157) meditsinalyq saqtandyrý júiesine qatysýshylar. Jalpy 3 jyldan astam ýaqyt ishinde Túrkistan oblysynan túsken soma kólemi 12,6 mlrd teńge. Onyń ishinde, 9,2 mlrd  teńgesi jumys berýshilerdiń aýdarymdary bolsa, qalǵan 3,5 mlrd teńge – jeke kásipkerler men azamattyq-quqyqtyq kelisimshart negizinde eńbek etetin turǵyndarǵa tiesili. Al, ózin ózi jumyspen qamtyǵandar 52 015 teńge biryńǵai jiyntyq tólemin tólegen», – dedi, Ashat Asanuly.

Aita keterligi, egerde azamat MÁMS júiesinde saqtandyrylmaǵan bolsa, jarna tóleýshi sanatyna qarai MÁMS úshin ai saiyn tólenetin jarna mólsherin anyqtap alýy kerek. Máselen, jeńildigi bar 15 sanattaǵy azamattar úshin jarnany memleket tóleidi. Biyldan bastap, jaldamaly jumyskerlerge – jumys berýshi býhgalteriiasy jalaqynyń 2%-y mólsherinde jáne jalaqy qorynan 2% mólsherinde, jalpy Qorǵa 4% tólem jasaidy. Sondai-aq, jeke kásipkerler, sharýa qojalyǵy ieleri, jeke praktikamen ainalysatyn tulǵalar – eń tómengi jalaqynyń 5%-y mólsherinde (ETJ 2021 jyly da 42 500 teńgeni quraidy, sondyqtan tólem mólsheri burynǵydai  – 2975 teńge) tólem jasaidy. Al azamattyq-quqyqtyq negizde shart boiynsha jumys isteitin tulǵalar – tabysynyń 2%-y mólsherinde, eń joǵarǵy tólem 8500 teńge tólem jasaidy.

Ózin-ózi  jumyspen  qamtyǵandar  úshin MÁMS júiesine qosylýdyń eki joly bar. Birinshisi – «óz betinshe» tóleýshi retinde. Jarna - eń tómengi jalaqynyń 5 paiyzyn quraidy. Iaǵni – 2 125 teńge tóleidi. Ekinshisi – biryńǵai jiyntyq tólem. BJT – respýblikalyq mańyzy bar qalalar úshin 1 AEK (ailyq eseptik kórsetkish) - 2917 teńge. Aýyldyq jerler úshin 0,5 AEK - 1458,5 teńge. Saqtandyrý paketine engen qyzmet túrlerin paidalaný úshin BJT sońǵy 3 aida úzilissiz tólenýi tiis.


Budan ózge, QR Úkimetiniń 2020 jylǵy 30 qazandaǵy № 721 qaýlysyna sáikes, ShOB úshin jeńildik kezeńi 2020 jyldyń 1 qazannan 2021 jyldyń qańtar aiyna deiin týristik qyzmette, qoǵamdyq tamaqtandyrýda, qonaq úi biznesinde, iri saýda obektilerinde, kinozaldar, teatrlarda, kórmeler men dene shynyqtyrý-saýyqtyrý jáne sport qurylystarynda,  tamaq ónimderin jáne  dári-dármekti ótkizýdi, kólik qyzmetin kórsetýge uzartylǵan bolatyn. Qazirgi tańda jeńildik kezeńi aiaqtaldy. Bul sýbektiler biylǵy jyldyń basynan bastap MÁMS jarnalary men tólemderin tólei bastaidy.

Túrkistan oblysynyń Óńirlik kommýnikatsiialar qyzmeti
MÁMS túrkistan oblysy Meditsinalyq saqtandyrý qory Ashat Beisenbaev Madina Sádýaqasova

Oqi otyryńyz