Olardy jemqorlyqqa ıtermeleıtin áreketterge tosqaýyl qoıylady.
Aımaqqa jumys saparymen arnaıy barǵan Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary osylaı dedi.
Aıgúl Shaımova Protecting Business and Investments jobasy aıasynda oblystaǵy súıemeldeýge alynǵan iri kásipkerlik nysandardyń jumysymen tanysady.
Bul joba elimizdegi ınvestorlar men kásipkerlerge qolaıly jaǵdaı jasap, sybaılas jemqorlyq áreketterinen qorǵaýǵa arnalǵan. Jalpy agenttik elimiz boıynsha 250-den astam kásiporyndy, al Túrkistan oblysy boıynsha jalpy quny 240 mlrd teńgeden asatyn 5 iri jobany qorǵaýǵa alǵan.
Sapar barysynda agenttik basshysynyń orynbasary «Túrkistan – Adaldyq alańy», «Sanaly urpaq» dep atalatyn jobalyq keńselerdiń ashylýyna qatysty.
Sosyn sybaılas jemqorlyqqa qarsy birigip áreket etý qujattaryna qol qoıdy. Keıin Qoja Ahmet Iasaýı atyndaǵy Halyqaralyq qazaq-túrik ýnıversıtetinde ashylǵan «Adaldyq dúkeni» jobasynyń jumysymen tanysty.
Aıgúl Shaıymova, QR MQİJSJQ is-qımyl agenttigi tóraǵasynyń orynbasary: Elbasymyz bıylǵy joldaýynda bizge tapsyrma berdi. Ol – ár óńirde sybaılas jemqorlyqtan ada óńir degen jobany iske asyrý. Sondyqtan endi Túrkistan óńirinde sybaılas jemqorlyqqa qatysty qandaı da bir táýekeldik bolsa, ony joıyp, elimizdi damytyp, ekonomıkamyzdy jaqsartyp, órkendeýge úles qosamyz dep oılaımyz.
