ولاردى جەمقورلىققا يتەرمەلەيتٸن ەرەكەتتەرگە توسقاۋىل قويىلادى.
ايماققا جۇمىس ساپارىمەن ارنايى بارعان مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى وسىلاي دەدٸ.
ايگٷل شايموۆا Protecting Business and Investments جوباسى اياسىندا وبلىستاعى سٷيەمەلدەۋگە الىنعان ٸرٸ كەسٸپكەرلٸك نىسانداردىڭ جۇمىسىمەن تانىسادى.
بۇل جوبا ەلٸمٸزدەگٸ ينۆەستورلار مەن كەسٸپكەرلەرگە قولايلى جاعداي جاساپ, سىبايلاس جەمقورلىق ەرەكەتتەرٸنەن قورعاۋعا ارنالعان. جالپى اگەنتتٸك ەلٸمٸز بويىنشا 250-دەن استام كەسٸپورىندى, ال تٷركٸستان وبلىسى بويىنشا جالپى قۇنى 240 ملرد تەڭگەدەن اساتىن 5 ٸرٸ جوبانى قورعاۋعا العان.
ساپار بارىسىندا اگەنتتٸك باسشىسىنىڭ ورىنباسارى «تٷركٸستان – ادالدىق الاڭى», «سانالى ۇرپاق» دەپ اتالاتىن جوبالىق كەڭسەلەردٸڭ اشىلۋىنا قاتىستى.
سوسىن سىبايلاس جەمقورلىققا قارسى بٸرٸگٸپ ەرەكەت ەتۋ قۇجاتتارىنا قول قويدى. كەيٸن قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸندە اشىلعان «ادالدىق دٷكەنٸ» جوباسىنىڭ جۇمىسىمەن تانىستى.
ايگٷل شايىموۆا, قر مقٸجسجق ٸس-قيمىل اگەنتتٸگٸ تٶراعاسىنىڭ ورىنباسارى: ەلباسىمىز بيىلعى جولداۋىندا بٸزگە تاپسىرما بەردٸ. ول – ەر ٶڭٸردە سىبايلاس جەمقورلىقتان ادا ٶڭٸر دەگەن جوبانى ٸسكە اسىرۋ. سوندىقتان ەندٸ تٷركٸستان ٶڭٸرٸندە سىبايلاس جەمقورلىققا قاتىستى قانداي دا بٸر تەۋەكەلدٸك بولسا, ونى جويىپ, ەلٸمٸزدٸ دامىتىپ, ەكونوميكامىزدى جاقسارتىپ, ٶركەندەۋگە ٷلەس قوسامىز دەپ ويلايمىز.
