Basylym málimetinshe, 2 maýsymda «Túrkimen temir joldary» agenttigi «Túrkimenbashy – Bereket – Serhetiaka – Bolashaq» baǵytymen júretin arnaiy poiyz uiymdastyrady. Bolashaqta poiyz túrkimen lokomotivinen Qazaqstan temir jolyna aýysady. Arnaiy poiyz jolaýshylardy Jańaózen qalasyna deiin jetkizip, sol jerden Túrkimenstanǵa oralady.
Túrkimen basylymynyń habarlaýynsha, etnikalyq qazaqtardy kóshirý jumysy Qazaqstannyń Túrkimenstandaǵy elshiliginiń ótinishimen, Túrkimenstan tótenshe jaǵdailar jónindegi komitetiniń 11 mamyrdaǵy sheshimine sai atqarylady.
Qazaqstan úkimetiniń sheteldegi etnikalyq qazaqtardyń elge kóship kelýine jaǵdai jasaityn arnaiy baǵdarlamasy bar. Elge oralǵan qazaqtar «qandas» mártebesin alady.
turkmen.news basylymynyń habarlaýynsha, 2021 jylǵy 26 aqpanda 160-tan astam etnikalyq qazaq Túrkimenstannan Qazaqstanǵa kóshti. Olar kóshti bir jyldan astam ýaqyt kútken. 2020 jyly 319 adam Túrkimenstannan Qazaqstanǵa kóshken.
2022 jyly Qazaqstanǵa shetelden kóship kelgen 2 myńǵa jýyq adam «qandas» mártebesin aldy. Olardyń deni Almaty jáne Mańǵystaý oblystaryna qonystandy.
[video width="480" height="480" mp4="https://dalanews.kz/wp-content/uploads/2022/05/ac2bce44-e78d-44df-9926-dc7c444e517f_480p.mp4"][/video]
