باسىلىم مالىمەتىنشە، 2 ماۋسىمدا «تۇركىمەن تەمىر جولدارى» اگەنتتىگى «تۇركىمەنباشى – بەرەكەت – سەرحەتياكا – بولاشاق» باعىتىمەن جۇرەتىن ارنايى پويىز ۇيىمداستىرادى. بولاشاقتا پويىز تۇركىمەن لوكوموتيۆىنەن قازاقستان تەمىر جولىنا اۋىسادى. ارنايى پويىز جولاۋشىلاردى جاڭاوزەن قالاسىنا دەيىن جەتكىزىپ، سول جەردەن تۇركىمەنستانعا ورالادى.
تۇركىمەن باسىلىمىنىڭ حابارلاۋىنشا، ەتنيكالىق قازاقتاردى كوشىرۋ جۇمىسى قازاقستاننىڭ تۇركىمەنستانداعى ەلشىلىگىنىڭ وتىنىشىمەن، تۇركىمەنستان توتەنشە جاعدايلار جونىندەگى كوميتەتىنىڭ 11 مامىرداعى شەشىمىنە ساي اتقارىلادى.
قازاقستان ۇكىمەتىنىڭ شەتەلدەگى ەتنيكالىق قازاقتاردىڭ ەلگە كوشىپ كەلۋىنە جاعداي جاسايتىن ارنايى باعدارلاماسى بار. ەلگە ورالعان قازاقتار «قانداس» مارتەبەسىن الادى.
turkmen.news باسىلىمىنىڭ حابارلاۋىنشا، 2021 جىلعى 26 اقپاندا 160-تان استام ەتنيكالىق قازاق تۇركىمەنستاننان قازاقستانعا كوشتى. ولار كوشتى ءبىر جىلدان استام ۋاقىت كۇتكەن. 2020 جىلى 319 ادام تۇركىمەنستاننان قازاقستانعا كوشكەن.
2022 جىلى قازاقستانعا شەتەلدەن كوشىپ كەلگەن 2 مىڭعا جۋىق ادام «قانداس» مارتەبەسىن الدى. ولاردىڭ دەنى الماتى جانە ماڭعىستاۋ وبلىستارىنا قونىستاندى.
[video width="480" height="480" mp4="https://dalanews.kz/wp-content/uploads/2022/05/ac2bce44-e78d-44df-9926-dc7c444e517f_480p.mp4"][/video]
