Túrkimenstannyń Batken oblysynyń turǵyndary aımaqtaǵy eldi-mekenderdi qum basyp jatqanyn habarlady. Joldardy, turǵyn úılerdi jáne áleýmettik mańyzdy nysandardy, sonyń ishinde mektepterdi qum basqan.
Osy aımaqta Bereket jáne Serdar aýdandaryndaǵy úsh mektep qumnyń astynda qalǵany habarlandy.
"Jel turǵan saıyn, qum kóterile beredi. Qum mektepke deıin kirip ketti. Qazir mekteptiń tórt jaǵyn da qum basyp qaldy. Oǵan baratyn jol qum astynda qaldy. Balardyń mektepke barýy qıyndady", - dedi Iylgynly aýylynyń bir turǵyny Azattyq radıosyna.
Onyń aıtýynsha, 15 jyl buryn Iylgynly aýyly soltústikke qaraı úsh shaqyrym jerge kóshýge májbúr bolǵan. Biraq mektep sol jerde qalǵan. Sodan beri balalar birneshe shaqyrym jerdegi mektepke jaıaý baryp júr.
Aýyldaǵy keıbir úılerdiń shatyryna deıin qum basqan. "Biz oblystyq jáne aýdandyq ákimshilikten kómek suradyq. Jańa aýyldan mektep salyp berýin de ótindik. Biraq ázirge jaýap joq", - dedi Iylgynly aýylynyń turǵyndary.
