Túrkimenstanda Gýrbangýly Berdimuhamedov pen onyń uly Sardardyń sýreti bar qol saǵattardy biýdjettik uiymdardyń basshylarynyń bári satyp alýy tiis. Densaýlyq saqtaý, bilim berý, kúsh qurylymdary, kólik jáne bailanys kásiporyndary, aimaq basshylary da qymbat saǵatty satyp alýǵa májbúr. Bul jóninde Azattyqtyń Túrkimen qyzmeti habarlady, - dep habarlaidy Dalanews.kz.
Laýazymdy qyzmette otyrǵan basshylar 858 dollar (3000 manat) turatyn saǵatty satyp alýy qajet. Saǵatta eki sýret japsyrylǵan. Al shaǵyn biýdjet uiymdarynda isteitinderge saǵat arzanyraq satylady - 1500 manat.
Jergilikti bir mekemede isteitin qyzmetkerdiń sózinshe, oǵan mektep direktorlary men orynbasarlary, aýyl medpýnktteriniń basshylary kiredi. Al quqyq qorǵaý organdary, aýrýhana bas dárigerleri jáne basqa da iri mekemelerdiń jetekshileri laýazymdy qyzmet atqaratyndyqtan 3000 manattyq saǵattan alady.
Túrkimenstanda jeke basqa tabyný dástúri baiaǵydan qalyptasqan. Elde prezident sýretteri bar saǵattar únemi shyǵarylyp turady.
Túrkimenstanda memlekettik mekemelerdiń qyzmetkerleri túrli sebeptermen aqsha jinaýǵa májbúr. Prezident kitaptaryn, onyń sýretterin de solar satyp alady. Osy ýaqytqa deiin Gýrbangýly Berdimuhamedov 70-ke jýyq kitap jazyp tastaǵan, al onyń uly Serdar ázirge eki kitap shyǵarǵan.
«Myna saǵattardy Qytaida tapsyryspen jasatqan, sosyn olardy elge alyp kelip, halyqty satyp alýǵa májbúrleidi. Saǵat saýdasyn ulttyq qaýipsizdik ministrliginiń organdary arqyly baqylaidy» deidi jergilikti bir mekteptiń direktory.
Túrkimenstan avtoritar basqarý nysanyndaǵy eń jabyq memleketterdiń biri sanalady.
