Anadoly eliniń basshysyna arnap dastarhan jaiǵan Gurbanǵuly Berdimuhamedov ózimen birge áielin erte kelgen Erdoǵandy jalǵyz qarsy alýdy yńǵaisyz sanasa kerek.
Qutty qonaqty kútip alǵan saltanatty rásimnen keiin eki eldiń basshysy jubailaryn janyna alyp sýretke túsipti.
Erdoǵan áielimen qol ustasyp tur, al Túrkimenstan basshysynyń jubaiy Ogúlgerek Berdimuhamedovanyń bet-júzin kórgenimiz endi ǵana.
Túrik basylymdarynyń habarlaýynsha bul Ogúlgerek hanymnyń el kózine kóringen alǵashqy resmi sýreti.
Berdimuhamedovtyń ózi eldegi aqparat quraldarynyń aýzynan túspeidi, onyń balalary men nemereleri ishki jáne sheteldik basylymdardyń reportajyna talai márte ilikken. Birinshi hanym osy kúnge deiin tasada qalyp kelgen-tuǵyn.
Al Túrkiia prezidenti Túrkimenstanǵa Ekonomikalyq áriptestik jónindegi uiymnyń 15-shi sammitine qatysý úshin arnaiy kelgen edi.
