انادولى ەلىنىڭ باسشىسىنا ارناپ داستارحان جايعان گۇربانع ۇلى بەردىمۇحامەدوۆ وزىمەن بىرگە ايەلىن ەرتە كەلگەن ەردوعاندى جالعىز قارسى الۋدى ىڭعايسىز ساناسا كەرەك.
قۇتتى قوناقتى كۇتىپ العان سالتاناتتى راسىمنەن كەيىن ەكى ەلدىڭ باسشىسى جۇبايلارىن جانىنا الىپ سۋرەتكە ءتۇسىپتى.
ەردوعان ايەلىمەن قول ۇستاسىپ تۇر، ال تۇركىمەنستان باسشىسىنىڭ جۇبايى وگۇلگەرەك بەردىمۇحامەدوۆانىڭ بەت-جۇزىن كورگەنىمىز ەندى عانا.
تۇرىك باسىلىمدارىنىڭ حابارلاۋىنشا بۇل وگۇلگەرەك حانىمنىڭ ەل كوزىنە كورىنگەن العاشقى رەسمي سۋرەتى.
بەردىمۇحامەدوۆتىڭ ءوزى ەلدەگى اقپارات قۇرالدارىنىڭ اۋزىنان تۇسپەيدى، ونىڭ بالالارى مەن نەمەرەلەرى ىشكى جانە شەتەلدىك باسىلىمداردىڭ رەپورتاجىنا تالاي مارتە ىلىككەن. ءبىرىنشى حانىم وسى كۇنگە دەيىن تاسادا قالىپ كەلگەن-تۇعىن.
ال تۇركيا پرەزيدەنتى تۇركىمەنستانعا ەكونوميكالىق ارىپتەستىك جونىندەگى ۇيىمنىڭ 15ء-شى سامميتىنە قاتىسۋ ءۇشىن ارنايى كەلگەن ەدى.
