Túrkmenstandaǵy toilarda endi tek túrikmen ánderin jáne Gýrbangýly Berdimuhamedovtiń ánderin ǵana qosýy qajet, - dep habarlaidy Dalanews.kz.
Bul týraly jergilikti túrli BAQ habarlady. Iaǵni endi úilený toilarynda sheteldik ánderdi qoiýǵa tyiym salynyp otyr. Sonymen qatar, biliktiń talaby boiynsha ruqsat etilgen ánderdiń ishinde burynǵy prezident Gýrbangýly Berdimuhamedovtiń ánderine erekshe nazar aýdarý kerek.
Eldegi Balkanabad jáne Týrkmenbashi qalalary kópultty meken bolyp sanalady. Endi olardyń bári qandai da bir jiynda biliktiń talabyn eskerip, tek túrikmen tilindegi ánderdi qoiýy tiis.
"Meiramhanalardaǵy úilený toilary tek túrikmen mýzykasynyń súiemeldeýimen, al úilený toilary túrikmen stilinde ótýi kerek. Bolashaq jas jubailarǵa bul týraly AHAJ bóliminde ótinish bergen kezde aýyzsha eskertiledi", - deidi qala turǵyndary.
Toi salondary, banket zaldary men meiramhanalardyń qyzmetkerleri de jańa talaptan habardar.
Jergilikti turǵyndardyń sózinshe, birneshe toi jańa talap boiynsha ótip úlgergen. Sonymen qatar, jastar men toiǵa kelgen qonaqtardyń qalaýy eskerilmei, ózge ult ókilderi óz tilinde án tyńdai almaǵan kezder de bolǵan eken.
