Álemde koronavirýs pandemiiasy jariialanǵanyna qaramastan, Túrkimenstan úkimeti bul taqyrypty kóp talqylai bermeidi.
Jinalystardyń birinde prezident koronavirýstan saqtaný úshin mekemelerdi adyraspanmen alastaýǵa keńes bergen.
Gýrbanguly Berdymuhamedov sózinen soń, Túrkimenstandaǵy memlekettik mekemeler men mektep ǵimarattaryn adyraspanmen alastaý naýqany bastaldy. Bul týraly Azatlyktyń Ashǵabadtaǵy tilshisi habarlady.
"Barlyq mekeme adyraspanmen alastatyldy. Kúnde. Tańerteń, túste nemese keshke, kúnine eki márte" dep habarlady tilshi.
13 naýryzda Túrkimenstan prezidenti memlekettik damý máselelerine arnalǵan jinalysta adyraspan "kóptegen aýrýǵa" tiimdi em ekenin aitqan.
Túrkimenstan biligi COVID-19 elge tirkelgen joq dep otyr, biraq Ashǵabadta kem degende eki adam osy keseldi juqtyrǵany týraly resmi emes derek bar.
Túrkimenstan kórshi eldermen shekarasyn japty, halyqaralyq reisterdiń barlyǵy derlik toqtap tur.
