ەلەمدە كوروناۆيرۋس پاندەميياسى جارييالانعانىنا قاراماستان, تٷركٸمەنستان ٷكٸمەتٸ بۇل تاقىرىپتى كٶپ تالقىلاي بەرمەيدٸ.
جينالىستاردىڭ بٸرٸندە پرەزيدەنت كوروناۆيرۋستان ساقتانۋ ٷشٸن مەكەمەلەردٸ ادىراسپانمەن الاستاۋعا كەڭەس بەرگەن.
گۋربانگۇلى بەردىمۇحامەدوۆ سٶزٸنەن سوڭ, تٷركٸمەنستانداعى مەملەكەتتٸك مەكەمەلەر مەن مەكتەپ عيماراتتارىن ادىراسپانمەن الاستاۋ ناۋقانى باستالدى. بۇل تۋرالى ازاتلىكتىڭ اشعابادتاعى تٸلشٸسٸ حابارلادى.
"بارلىق مەكەمە ادىراسپانمەن الاستاتىلدى. كٷندە. تاڭەرتەڭ, تٷستە نەمەسە كەشكە, كٷنٸنە ەكٸ مەرتە" دەپ حابارلادى تٸلشٸ.
13 ناۋرىزدا تٷركٸمەنستان پرەزيدەنتٸ مەملەكەتتٸك دامۋ مەسەلەلەرٸنە ارنالعان جينالىستا ادىراسپان "كٶپتەگەن اۋرۋعا" تيٸمدٸ ەم ەكەنٸن ايتقان.
تٷركٸمەنستان بيلٸگٸ COVID-19 ەلگە تٸركەلگەن جوق دەپ وتىر, بٸراق اشعابادتا كەم دەگەندە ەكٸ ادام وسى كەسەلدٸ جۇقتىرعانى تۋرالى رەسمي ەمەس دەرەك بار.
تٷركٸمەنستان كٶرشٸ ەلدەرمەن شەكاراسىن جاپتى, حالىقارالىق رەيستەردٸڭ بارلىعى دەرلٸك توقتاپ تۇر.
