Bishkekte ótken Túrki memleketteri uiymyna múshe memleket basshylarynyń 11-sammitinde TMU jańa týy qabyldandy, - dep habarlaidy Dalanews.kz Tengrinews.kz-ke siltep.
"Túrkiia jańalyqtary" telegram-arnasynyń málimetinshe, uiymnyń jańa týyn Ázerbaijan, Qazaqstan, Qyrǵyzstan, Túrkiia jáne Ózbekstan kóshbasshylary: Ilham Áliev, Qasym-Jomart Toqaev, Sadyr Japarov, Rejep Taiyp Erdoǵan jáne Shavkat Mirzieev bekitken.
"Túrki memleketteri basshylary keńesiniń otyrysy barysynda túrki áleminiń ortaq qundylyqtaryn, birligi men ortaq mádeni biregeiligin beineleitin túrki memleketteri uiymynyń týyn bekitý týraly sheshim qabyldandy. Segizburyshty, juldyzy bar jarty aidy jáne kógildir fonda birkelki bólingen sáýleleri bar kún beinelengen jalaý uiymnyń resmi simvolyna ainaldy. Týdyń kógildir túsi túrki halyqtarynyń tarihi jáne mádeni birligin beineleitin ashyq aspandy, beibitshilik pen órkendeýdi bildiredi", - delingen habarlamada.
Túrki memleketteri uiymynyń týy alǵash ret 2012 jyly qabyldanǵan.
