بىشكەكتە وتكەن تۇركى مەملەكەتتەرى ۇيىمىنا مۇشە مەملەكەت باسشىلارىنىڭ 11-سامميتىندە تمۇ جاڭا تۋى قابىلداندى، - دەپ حابارلايدى Dalanews.kz Tengrinews.kz-كە سىلتەپ.
"تۇركيا جاڭالىقتارى" تەلەگرام-ارناسىنىڭ مالىمەتىنشە، ۇيىمنىڭ جاڭا تۋىن ازەربايجان، قازاقستان، قىرعىزستان، تۇركيا جانە وزبەكستان كوشباسشىلارى: يلحام الييەۆ، قاسىم-جومارت توقايەۆ، سادىر جاپاروۆ، رەجەپ تايىپ ەردوعان جانە شاۆكات ميرزيەيەۆ بەكىتكەن.
"تۇركى مەملەكەتتەرى باسشىلارى كەڭەسىنىڭ وتىرىسى بارىسىندا تۇركى الەمىنىڭ ورتاق قۇندىلىقتارىن، بىرلىگى مەن ورتاق مادەني بىرەگەيلىگىن بەينەلەيتىن تۇركى مەملەكەتتەرى ۇيىمىنىڭ تۋىن بەكىتۋ تۋرالى شەشىم قابىلداندى. سەگىزبۇرىشتى، جۇلدىزى بار جارتى ايدى جانە كوگىلدىر فوندا بىركەلكى بولىنگەن ساۋلەلەرى بار كۇن بەينەلەنگەن جالاۋ ۇيىمنىڭ رەسمي سيمۆولىنا اينالدى. تۋدىڭ كوگىلدىر ءتۇسى تۇركى حالىقتارىنىڭ تاريحي جانە مادەني بىرلىگىن بەينەلەيتىن اشىق اسپاندى، بەيبىتشىلىك پەن وركەندەۋدى بىلدىرەدى"، - دەلىنگەن حابارلامادا.
تۇركى مەملەكەتتەرى ۇيىمىنىڭ تۋى العاش رەت 2012 جىلى قابىلدانعان.
