Turǵyndarǵa serpin bergen senbilik
Taǵy bir aita keterligi, dál osy kóktemgi tazalyq kúnderi qarsańynda tal otyrǵyzý jumystary da qolǵa alyna bastady. Bundai igi shara Shý qalasyndaǵy «Tarlan» sport kesheniniń mańynda oryn aldy. Igilikti iske aýdan ákiminiń apparaty, aýdandyq máslihat apparaty, depýtattar jáne aýdan jastary atsalysty. Jýyq arada atalmysh sport kesheniniń mańy kóz súisiner jasyl jelekke ainalary haq. Sebebi, dál sol kúni 500-ge jýyq aǵash kóshetteri otyrǵyzylǵan bolatyn.
Aýdandyq máslihat depýtattarynyń qatysýymen ótken tal egý qazir de jalǵasyn tabýda. Dálirek aitsaq, aýdan ortalyǵy Tóle bi aýylyndaǵy M.Áýezov atyndaǵy shaǵyn ortalyqty orta mektebiniń mańyna 350 túp sándik jáne jemis aǵashtary, «Batys» móltek aýdanynda salynǵan jańa meshittiń ainalasyna 20 túp qylqan japyraqty aǵash túpteri otyrǵyzyldy. Atalǵan jerlerge Shý aýdanynyń Qurmetti azamaty, Qazaq agrarlyq ýniversitetiniń orman sharýashylyǵy fakýltetiniń dekany Qurmankúl Abaeva demeýshilik kórsetkendigin erekshe atap ótkenimiz jón. Tabiǵat janashyry №40 orta mektebine de 100 túp jemis aǵashtaryn syilaǵan bolatyn. Bul óz kezeginde aýdan azamattarynyń týǵan jerine degen óziniń súiispenshiligin bildirsek kerek-ti. Halqymyzda kez kelgen jan artyna bir tal otyrǵyzyp ketýi qajet degen jaqsy támsil bar. Laiym árbir otyrǵyzylǵan aǵash aýdannyń gúldenýine úles qosyp júrgen tulǵalardyń jetistigimen qatarlasa óse bersin demekpiz.
Jambyl oblysy
Shý aýdany
