Almaty oblysyndaǵy Túrgen ózeni basseinindegi jaǵdai kúrdeli, - dep habarlaidy Dalanews.kz.
Bul týraly Tótenshe jaǵdailar ministrligi habarlady. Almaty oblysynda Túrgen ózeni basseininiń muzdaq kólderinde sýdyń tógilýi men seldiń oryn alý qaýpin boldyrmas úshin sý deńgeiin tómendetý boiynsha aldyn alý jumystary júrgizilýde.
Jaqynda TJ vitse-ministri Batyrbek Ábdishevtiń úilestirýimen TJM Qazaviaqutqarýdyń eki tikushaǵymen muzdaq kóldiń mańynda jabdyqtardy tasymaldap túsirý jumystaryn júzege asyryldy. Jumystardy «Qazseldenqorǵaý» MM basshylyǵy men avariialyq brigadasy júrgizdi.
Eki kún ishinde olar sifon tóseý arqyly erigen muzdyq sýyn aidaý jumystaryn da júrgizdi. Osylaisha búgin uzyndyǵy 300-ge jýyq metr, ónimdiligi sekýndyna 110 litr bolatyn alǵashqy sifon tizbegi iske qosyldy.
Kólderdegi jumystar aýa raiyna bailanysty jalǵasatyn bolady (shamamen aǵymdaǵy jylǵy 16 shildege deiin). Aita keteiik, júrgizilip jatqan jedel jumystar adamdardyń ómirine jáne obektilerdiń qiraýyna qaýip tóndiretin sel tasqynynyń paida bolý qaýpin boldyrmaýǵa baǵyttalǵan. Daiyndyq jumystary Almaty oblysy ákimdiginiń qoldaýymen uiymdastyryldy.
Esterińizge sala keteiik, Almaty oblysynyń aýmaǵynda Túrgen ózeniniń basseininde kúrdeli sel jaǵdaiy baiqalady. Qaýip-qater aimaǵynda 30 myńnan astam adam turatyn Taý-Túrgen, Túrgen, Qarakemer, Baltabai eldi mekenderi bar. Osyǵan bailanysty muzdyqtyń jáne Túrgen ózeni basseiini kóliniń sel jáne gidrometeorologiialyq jaǵdaiyna monitoring uiymdastyryldy.
«Qazseldenqorǵaý» MM beketteri halyqty ýaqtyly habardar etý úshin táýlik boiy jumys isteidi.
Bul aimaqqa barýǵa ýaqytsha shekteýler engizildi. Jaiaý týristerdi, avtokólik ielerin, jergilikti turǵyndar men atqarýshy organdardy qulaqtandyrý jumystary júrgizilýde.
Tótenshe jaǵdaidyń aldyn alý úshin barlyq múmkin sharalar qabyldanýda.
