Atalǵan turaqtandyrý qory búginde halyqqa qajetti barlyq taýarlardy taiaýda ǵana paidalanýǵa berilgen Shymkent qalasyndaǵy kólik-logistikalyq ortalyǵynda saqtaýǵa kirisken bolatyn. Qazir atalǵan qor mundaǵy 4 myń sharshy metrlik qoimalardy jalǵa alyp, 2,5 myń tonnaǵa jýyq azyq-túlik taýarlaryn saqtap otyr. Atalǵan seriktestiktiń jumysymen tanysqan óńir basshysy baǵany turaqtandyrýda zamanaýi qoimalardyń mańyzdy ekenin jetkizdi.
Óńir basshysy qordyń jalǵa alyp otyrǵan qoimalaryn aralap kórip, et pen et ónimderin de saqtaýǵa keńes berdi.
– Buǵan deiin turaqtandyrý qory taýarlaryn Keńes zamanynan qalǵan qoimalarda saqtap keldi. Talapqa sai kelmegendikten saqtalǵan taýarlar erte búlinip, birqatar shyǵyndarǵa uranatyn. Endi mine Shymkent qalasynan zamanaýi qoima paidalanýǵa berilip, taýarlarymyzdy saqtaý merzimi uzaryp otyr. Qazirdiń ózinde biz osynda saqtalǵan kartoptardy 85 teńgeden, sábizdi 80 teńgeden, al piiazdy 50 teńgeden satylymǵa shyǵarýdamyz, – dedi «Shymkent» áleýmettik kásipkerlik korporatsiiasy tóraǵasynyń orynbasary Maratbek Myrzamuratov.
Aita keteiik, mundaǵy barlyq taýarlar birja arqyly satyp alynady. Ekijaqty jasalǵan shart boiynsha satýshylar taýarlaryn ózinde saqtap, keiinnen suranysqa sai osy qoimaǵa jetkizip berip otyrady. Al áleýmettik mańyzy bar bul azyq-túlik qory baǵa sharyqtap ketken jaǵdaida básekelestik orta qalyptastyryp, ony qaita qalypqa keltirýge sep bolmaq. Atqarylǵan jumystardyń nátijesinde qarasha aiyna belgilengen 101 paiyz baǵa indeksi 98,5 paiyzǵa tómendep otyr.
OQO ákimniń baspasóz qyzmeti
