Túpqaraǵannnan shyqqan qarshadai qyzdyń kartinasy Ulybritaniiada ótken kórmege qoiyldy
Túpqaraǵandyq Milana Nursaiynova Qazaqstandaǵy «Resin Art» ónerin damytýshy sýretshilerdiń biri. Onyń týyndysy jýyrda Ulybritaniiadaǵy Lankaster qalasynda ótken halyqaralyq kórmege qoiyldy. Bul týraly Túpqaraǵan aýdany ákimdiginiń baspasóz qyzmeti habarlaidy, – dep habarlaidy Dalanews.kz.
Milana Nursaiynova Abai atyndaǵy Qazaq Ulttyq pedagogikalyq ýniversiteti «Óner, mádeniet jáne sport» fakýltetiniń «Sán dizainy» mamandyǵy boiynsha 4-kýrs stýdenti. Ol eki jyldan beri epoksidti shaiyr (smola) arqyly sýret salady. Búginge deiin jas sýretshiniń Ulybritaniia men Almatyda jeke kórmesi ótti. Onda 17 kartina qoiyldy.
– Lankasterde ótken virtýaldy kórmege «Sáýleli altyn qum» kartinam qoiyldy. Munda kóp adamnyń kózi jetip, kóńili qabyldai bermeitin dúnielerdi bulyńǵyr kúide kórsetýge tyrystym. Sýretterimde aitar oiymdy ártúrli tústi qoldaný arqyly astarlap jetkizemin.
Ózge ult ókilderi ónerimdi joǵary baǵalap jatady. Máselen bir kartinamdy ázirbaijan azamatshasy satyp aldy. Qazir elimizge belgili sánger Medina Saqtaǵanovamen birge jumys istep júrmin. Qazir tigin tigýmen ainalysyp júrmin. Tiginshilik óneri maǵan ájemnen berilgen shyǵar dep oilaimyn. Al sýret salý qabileti ákemnen kelgeni anyq, – dedi Milana Nursaiynova.
