Basqosýda Svetlana Joldasova Elbasynyń: «Ár adamnyń boıyna jumys isteı bilý, oqyp-úırene bilý, ómir súre bilý, qazirgi álemde ómir súre bilý qasıetin sińirý kerek» degen sózin jetkizdi.
Búgingi tańda jańashyl oılaıtyn, jigerli, jalyndy jastar qatary kóbeıip keledi. Bul jastar memlekettiń bolashaǵyna úmitpen qarap, elimizdiń damýyna, 30 eldiń qataryna qosylýǵa bilim men iskerligin kórsetýge aıanbaıdy.
Ár óńirde jastar máslıhatyna qabyldanyp, tipti oblystyń basqarmalaryn tizgindep jatqan jastar qatary da artýda. Oǵan basty sebepker bolǵan Elbasymyzdyń jastar saıasaty baǵytyndaǵy baǵdarlamalary.
Ekinshi bir múmkindik jastar uıymdarynyń jumystary. Aldymen bul qatarǵa Elbasymyz tóraǵa bolyp tabylatyn «Nur Otan» partıasy janyndaǵy «Jas Otan» jastar qanatyn aıtýǵa bolady.
Muǵalimder men stýdentter spıkerlerdiń baıandamalaryn tyńdaǵan soń ózderin mazalaıtyn, alańdatatyn suraqtaryn qoıyp, usynystaryn aıtty. Jeke balabaqshaǵa balany qabyldaý jasy men kórsetiletin kómek jóninde joldanǵan saýalǵa Balǵanym Djýldıbaeva:
– Balalar 1,5 jastan bastap qabyldanady. 50%-dyq jeńildigimiz bar. Balalardy avtobýspen tasý jumysy da qolǵa alynǵan. Aldaǵy ýaqytta halyqtyń jaǵdaıyn jaqsartýǵa úlesimdi molynan qosqym keledi, – dep jaýap berdi. Taǵy bir suraq medısına salasy boıynsha qoıyldy. Aýdandyq máslıhat depýtatyna úmitker Nurbol Mendalıev bul suraqqa:
– Qazirgi tańda jas mamandarǵa qoldaý kóp. Elimizde medısına salasy boıynsha kadr tapshylyǵyn sheshý maqsatynda kadrlardy shaqyrtý, úımen qamtamasyz etý, medısına salasyna oqýǵa túsýshi jastarǵa memlekettik grant bólý, sońǵy úlgidegi tehnıkalarmen qamtamasyz etý sekildi jumystar jasalýda. Pandemıaǵa baılanysty medısına salasyna basty nazar aýdarylýda, – dep kókeıde júrgen oıyn ortaǵa saldy. Budan bólek memlekettik áleýmettik medısınalyq saqtandyrý, jaz mezgilinde kestemen beriletin aýyz sý máselesi kóterildi.
Aýdandyq máslıhat depýtatyna úmitker Erkebulan Jetkizgenov qatysýshylarǵa aldaǵy ýaqytta usynys-pikirler, talap-tilekter bolsa kezdesýden keıingi ýaqyttarda, qoǵamdyq qabyldaý ýaqytynda habarlasyp aıtýǵa bolatynyn aıta kele, halyqty aldaǵy saılaýǵa belsendi túrde qatysýǵa shaqyrdy.
(Materıal aqysy «Nur Otan» partıasynyń Mańǵystaý oblysy Túpqaraǵan aýdanynyń Saılaý qorynyń qarajaty esebinen tólendi)
